dzo quizze

དང་པ་ར་ རང་ ག་བཟུམ་ཅིག་ཨིན་ན? རང་གི་འབད་བཞག་ ལཱ་འབད་ཐངས་ ལྩོགས་གྲུབ་ ལཱ་འགན་དང་ དེ་ལས་ རང་གནས་སྟངས་ག་བཟུམ་ཅིག་ནང་ཡོད་ག་ ཤེས་དགོཔ་ཨིན། དེ་བཟུམ་སྦེ་རང་ རང་ལེགས་པ་མི་བཏུབ་ ཆ་རོགས་ལེགས་དགོ་ཟེརདོ་བཟུམ་ རང་གི་ཆ་རོགས་ཡང་ ག་བཟུམ་ཅིག་ ཡོད་ག་ཤེས་དགོཔ་ཁག་ཆེ་ཤོས་ཅིག་ཨིན།
ངེའི་མིང་འདི་ རྒྱ་མཚོ་ཟེར་སླབ་ཨིན། རྫོང་ཁག་སྨོང་སྒར་ རྒེད་འོག་དགྲ་མེད་རྩེ་ གཡུས་ཤ་གདངས་ལས་ཨིན།
ང་ད་ལྟོ་སློབ་རིམ་བཞི་པ་ནང་ལྷབ་ཨིན། ངེ་གིས་སྤྲོ་བ་འདི་འབད་བ་ཅིན་ ཚོན་གཏང་ནི་ རི་མོ་བྲིས་ནི་་དང་ སྲུང་ཉན་ནི་ཚུ་ཨིན། ང་བཟུམ་ཅིག་འབད་བ་ཅིན་ ཕམ་ཉམས་ཆུང་གི་ཨ་ལུ་ཅིག་ཨིན།
དེ་བཟུམ་སྦེ་ ངེའི་ཆ་རོགས་ཡང་ ཕམ་ཉམས་ཆུང་གི་ཨ་ལུ་ཅིག་ཨིན་བའི་ཁར་ ཁོ་ལུ་རྩེད་རིགས་ག་ཅི་བཟུམ་ རྕེད་དགོ་རུང་ རྒྱབ་བཤོལ་མ་རྐྱབ་མི་ཅིག་ཨིན། ཁོ་གིས་ཕམ་ཚུ་ལུ་ རྒྱབ་སྐྱོར་ལེགས་ཤོམ་འབད་བའི་ཁར་ རྒན་ཤོས་ཚུ་ལུ་ གུས་ཞབས་འབདཝ་ཨིན། ངེའི་ཆ་རོགས་འདི་ མི་དྲག་ཞན་ཆེ་ཆུང་ ག་ར་གིས་ཆ་བཞག་དང་ དཔེ་བལྟ་བཏུབ་ཅིག་ཨིན། ཁོ་གིས་མིང་འདི་ ཉི་མ་རྡོ་རྗེ་ཟེར་སླབ་ཨིན།

རང་གི་རྒྱུད་ལུ་ཆ་རོགས་བསྟེན་པའི་སྐབས་ལུ་ ཆ་རོགས་ལུ་ཡང་ བཟང་པོ་དང་ངན་པ་ཟེར་ དབྱེ་བ་གཉིས་སྦེ་ཡོད། ཆ་རོགས་བཟང་པོ་རྣམས་སྡོད་པ་ཅིན་ འབྲེལ་གཏོགས་འབད་ཚུགས། མི་སྡེའི་རིག་རྩལ་ཐོབ་ཚུགས། ཤེས་ཡོན་གྱི་བསམ་སྤྱོད་ཐོབ་ཚུགས། སེམས་ཁམས་འཕྲོད་བསྟེན་ལུ་ རྒྱབ་སྐྱོར་འབད་ཚུགས། འདི་མེན་པའི་ ཆ་རོགས་ངན་པ་བསྟེན་པ་ཅིན་ ཆ་རོགས་ངན་པ་གིས་ རང་ལུ་བཟང་པོའི་ ལམ་ལུ་མེན་པར་ ངན་པའི་ལམ་ལུ་འཁྱིད་འགྱོཝ་ཨིན། དཔེ་འབད་བ་ཅིན་ ཆང་དང་སྨྱོག་ཟས་ལག་ལེན་འཐབ་བཅུག་འོང་། སློབ་གྲ་དང་མི་སྡེ་ནང་ སྟབས་མ་བདེཝ་བཟོ་ནི་གི་ ལཱ་ལུ་བརྩོན་བཅུག་འོང་།

​ང་བཅས་ར་མི་ཚེ་ནང་ ཆ་རོགས་ཟེར་མི་འདི་ གོང་གི་པར་རིས་ནང་ཡོད་མི་ མཐུན་པ་སྤུན་བཞི་བཟུམ་སྡོད་དགོཔ་ཨིན་མས། དེ་ཡང་པར་རིས་ནང་ལུ་ཡོད་མི་ མཐུན་པ་སྤུན་བཞི་འདི་ རྒན་ཤོས་ལུ་ གུས་ཞབས་ནང་ ཆུང་ཤོས་ལུ་ སྦྱམས་སྐྱོང་འབད་བའི་བརྡ་སྟོནམ་ཨིན། གཟུགས་སྦོམ་ གླངམ་ཆེ་ཨིན་རུང་ སེམསཅན་གཟུགས་ཆུང་ཀུ་ཚུ་ལུ་ བྱམས་པ་དང་ བརྩེ་བ་བསྐྱེད་ནི་དང་ སེམས་ཅན་གཟུགས་ཆུང་ཀུ་ཡོད་མི་ སྤྱ་ རི་བོང་དང་ བྱ་གསུམ་གྱི་ཡང་ གཟུགས་སྦོམ་གླངམ་ཆེ་ལུ་ གུས་ཞབས་འབད་དེ་ འཆམ་ཏོང་ཏོ་སྦེ་ སྡོདཔ་ཨིན་མས། འདི་འབདཝ་ལས་ ང་བཅས་ག་ར་འབད་རུང་ ཁོང་བཞི་བཟུམ་ གཅིག་གི་གཅིག་ལུ་ ཆ་རོགས་འབད་དེ་ འཆམ་ཏོང་ཏོ་སྦེ་སྡོད་དགོཔ་ཨིན།