​སྲུ་ཇ་བཟོ་ཐངས།

​སྲུ་ཇ་བཟོཝ་ད་ ག་ཅི་ར་དགོཔ་སྨོ་ ཟེར་བ་ཅིན་ ཇ་རལ་དང་། བ་མར། བུལ་ཏོ། ཚྭ་ཚུ་ དགོཔ་ཨིན། ཇའི་ཨམ་གི་ དབྱེ་བ་ཡང་ འབྲུག་ནང་བཟོ་མི་གི་ ཤིང་ཇའི་རིགས་ལེ་ཤ་ར་ ཡོདཔ་ཨིན། སྲུ་ཇ་བཟོཝ་ད་ ཧེ་མ་ར་ ཆུ་ནང་ཇ་ཨམ་བླུགས་ཏེ་ བསྐོལ་ཞིནམ་ལས་ ཇ་ཐང་ ལེགས་ཤོམ་འབད་ འཐོན་བཅུག་དགོ། དེ་ལས་ ཇ་ཐང་འདི་ ཇ་སྲུམ་ནང་བླུགས་ཏེ་ མར་དང་ ཚྭ་ བུལ་ཏོ་ཚུ་བླུགས་ཏེ་ ལེགས་ཤོམ་འབད་བསྲུ། ཇ་འདི་ ཞགཔ་འབད་ བསྲུ་སྟེ་ བཀྱག་དཀརཔོ་འཚམས་ཅིག་དང་ སྐ་པག་པ་ ཐལ་བའི་སྐབས་ལུ་ རྫམ་ནང་ ལོག་སྟེ་བླུག་དགོ། དེ་ལས་ ཐབ་ཁར་བཀལ་ཏེ་ ལྕགས་གཟེར་གིས་ ཡར་ཕྱར་ཡི་ར་ དྲོད་ཚད་ཁར་ལྷོད་བཅུག་དགོ། དེ་ལས་ ཇ་ཙག་ནང་བཙགས་ཏེ་ ཇམ་སྦྱིས་ནང་བླུགས་ ཞིནམ་ལས་ འཐུང་ཆོག་ཆོག་འགྱོཝ་ཨིན།།