Unsur Carita Pondok

Ayeuna poé Kemis. Kuring jeung babaturan opatan bagéan pikét kelas. Maranéhna nyaéta Didah, Fitra, Vina, jeung Andri.

"Alhamdulillah sadayana hadir," ceuk kuring bungah.

Dina poé-poé séjén mah tara kitu. Sok areuweuh anu parikétna téh. Aya nu gering, ijin, teu sakola tanpa katerangan, malah aya nu kabur ku sabab embung pikét ogé aya.

"Urang mah ulah nurutan babaturan anu tara pikét!" ceuk Didah.
"Satuju, sabab ari ngalaksanakeun pikét téh salasahiji kawajiban murid," ceuk Fitra.
"naha bet arembungeun pikétnya?" tanya Fitra.
"kawasna carapéeun. Tos capé diajar di kelas diteruskeun pikét. Capé jadi wé hayang téréh balik," jawab kuring.
"Ih, adatna atuh ari capé mah nya. Saréréa gé ngarasa capé. Urang gé hayangna mah langsung balik, tapi katalian ku pikét nu kudu dilaksanakeun sabab mangrupa kawajiban," Didah nandeskeun.

"Boa wali kelas acan uningaeun kitu nya sok aya murid anu arembung pikét?" Vina ngasongkeun pertanyaan.

"Kana kituna, mun uningaeun mah pasti ditegur tah, dihukum! ceuk kuring.

"Umumkeun atuh di kelas! Engké mah urang tuliskeun saha waé anu sok pikét jeung saha anu tara pikét. Anu tara pisan mah urang laporkeun ka wali kelas!" Andri méré usul.

"Kétang da awéwé gé aya nu sok embungeun pikét." Fitra nétélakeun anu matak kagét saréréa.

"Saha?" tanya nu opatan.

"Aya wé jalma beunghar. Tara tuman gawé atuda. Embung kokotran. Tungtungna mah kalah méré duit ka babaturanna pikeun gaganti pikét," ceuk Fitra.

"Aéh kalah ngawangkong ieu téh Hayu ah urang pikét!" ceuk kuring.

Gep kana pagawéanna masing-masing. Ceuk dina matéri pangajaran ogé pan ari ku gotong royong mah sakur pagawéan téh téréh anggeusna, lantaran dipigawé babarengan.

Aya anu naékkeun korsi kana méja ngaréh babari sasapuna, aya anu ngepél maké cai anu dicampur pembersih lantai. Nya seungit, séhat, bébas tina kuman jeung baktéri.

Teu poho kolong bangku dikodokan. Da gening sok aya anu ngabus-ngabuskeun runtah kana kolong bangku.

"Alhamdulillah réngsé!" ceuk saréréa.

Kelas jeung sabudeureunana geus beresih, rapih, tur tumaninah. Nyumponan K3 (Katartiban, Kabersihan, jeung Kaséhatan).

https://forms.office.com/r/pFeSY9bHt4

Sateucan teras, nyungkeun bantosanna ngeusian angket pembelajarannya✨🫶🏻