Mulleres nas ciencias

Lise interesouse desde pequena polas matemáticas e pola física. En Austria, a educación na escola pública terminaba aos 14 anos, pero a súa familia puido permitirlle unha educación privada. Naquela época as mulleres non podían ir á universidade. Non obstante, a necesidade de dispensarlles atención médica ás mulleres musulmás das zonas ocupadas de Bosnia e Hercegovina propiciou que en 1897 o Goberno austríaco consentise que as mulleres cursasen carreiras de ciencias e de letras. Só catro mozas aprobaron en 1901 o exame de ingreso e entre elas atopábase Lise; así que nese mesmo ano comezou os seus estudos universitarios na Universidade de Viena en Matemáticas e Física.
Desde o principio, a física fascinouna e conseguiu o seu doutoramento en 1906, converteuse na segunda muller que obtiña o título de doutora en Física.
En 1915 uniuse á armada austríaca e compaxinou a súa colaboración no hospital Lichterfelde como técnica de raios X coas súas investigacións sobre o uranio.
Lise e o seu sobriño Otto Robert Frisch foron os primeiros en articular e en xustificar teoricamente a primeira fisión nuclear.

​

Lise Meitner

Cecilia Payne-Gaposchkin foi unha das grandes astrónomas da historia e a primeira en determinar de que se compoñen as estrelas.
Foi a primeira muller en ser considerada oficialmente co título de «astrónoma» na Universidade de Harvard e primeira muller en dirixir un departamento dentro da prestixiosa universidade americana.

​​Cecilia Payne

Mary non recibiu ningún tipo de educación formal, pero a relixión que profesaban animouna a estudar e a ler, algo que non era ben visto entre os seus veciños. Todo o que aprendeu ao longo da súa vida foi de maneira autodidacta e pola súa propia curiosidade.
Descubriu o esqueleto dun ictiosauro, un réptil mariño extinto co aspecto dun golfiño moi grande e os esqueleto dun plesiosauro, un réptil mariño de corpo ancho e pescozo longo que viviu a principios do Xurásico.

​​Mary Anning

Marie Curie foi unha das científicas máis importantes do século XX. Pioneira no estudo da radioactividade e foi a primeira en recibir un Premo Nobel. Ademais, é a única persoa que recibiu un Premio Nobel en dúas disciplinas distintas (Física e Química).

Naceu en Polonia ene 1867 e licenciouse en en Física e en Matemáticas na Universidade de Soborna (Polonia).

Descubriu dous elementos químicos: o polonio e o radio.

​Marie Curie