Naon Ari Résénsi?

Sacara étimologis, kecap résénsi asalna tina basa Latin, nyaéta

tina kecap revidere atawa recensere, nu hartina ningali deui, nimbang atawa ngajén.

Résénsi nyaéta hiji ulasan anu meunteun kaleuwihan jeung kakurangan hiji karya. Résénsi biasana dijieun dina wangun tulisan jeung ditujukeun keur ka anu rék maca/nongton.

​Résénsi Buku

Jinis-Jinis Résénsi

​Résénsi Film

​Résénsi Musik

​Résénsi Pertunjukan

​Résénsi Buku

Tujuan ngarésénsi nyaéta pikeun méré nyaho ka balaréa yén éta buku

téh dianggap perlu dibaca. Saha anu ngabogaan hak nulis résénsi buku? Anu nulis résénsi buku mah bisa saha waé, ngan saratna éta jalma nu nulis résénsi téh kudu maca jeung paham heula sakabéh eusi buku.

Nulis résénsi buku biasana ti mimiti ngabéjakeun idéntitas buku, kayaning pangarangna, jilidna, penerbitna, taun terbitna, nepi ka jumlah bab.

Nu dirésénsi bisa tina jalan carita (galur), téma, tokoh, latar, jeung sajabana.

Conto Résénsi Buku aya dina buku pakét¨Basa Sunda Urang¨ kaca 52-53

​Résénsi Film

Tujuan ngarésénsi nyaéta pikeun ngabéjakeun ka balaréa yén éta film

téh dianggap perlu dilalajoan. Saha anu ngabogaan hak nulis résénsi film? Anu nulis résénsi film ogé sarua jeung buku, bisa saha waé. Ngan saratna éta jalma kudu maham heula perkara film.

Eusi nu ditulis dina résénsi pilem biasana ngeunaan eusi caritana, tokohna, musik pangiringna, jeung sajabana.

Nulis résénsi film biasana ti mimiti ngabéjakeun idéntitas pilem, kayaning judul jeung jenis pilem, nu nulis skenario, sutradara, para palaku, jeung produser.

Conto Résénsi Film aya dina buku pakét¨Basa Sunda Urang¨ kaca 54-55

​Résénsi Musik

Tujuan ngarésénsi nyaéta pikeun ngabéjakeun ka balaréa yén éta musik

téh dianggap perlu dilalajoan, alus atawa hanteuna. Saha anu ngabogaan hak nulis résénsi musik? Anu nulis résénsi musik ogé sarua jeung buku, bisa saha waé. Ngan saratna éta jalma kudu maham heula perkara musik.

Eusi nu ditulis dina résénsi musik biasana ngeunaan sejarahna, pamaén musikna, lirikna, jeung sajabana.

Conto Résénsi Musik aya dina buku pakét¨Basa Sunda Urang¨ kaca 56

​Résénsi Pertunjukan

Tujuan ngarésénsi nyaéta pikeun ngabéjakeun ka balaréa yén éta Pertunjukan

téh dianggap perlu dilalajoan. Saha anu ngabogaan hak nulis résénsi Pertunjukan? Anu nulis résénsi Pertunjukan ogé sarua jeung buku, bisa saha waé. Ngan saratna éta jalma kudu maham heula perkara Pertunjukan.

Eusi nu ditulis dina résénsi Pertunjukan biasana ngeunaan eusi caritana, tokohna, musik pangiringna, tata panggung, tata suara, dandanannana, jeung sajabana.

Conto Résénsi Pertunjukan aya dina buku pakét¨Basa Sunda Urang¨ kaca 57-58