" May mga pahayag na nagsasaad ng posibilidad. Ito yaong mga pahayag na maaring magkatotoo ngunit wala pang katiyakan o kasiguraduhan at may pag-aagam-agam pa sa taong nagsasalita"

1. MAARI

Ekspresyong ginagamit kapag ang pangyayari ay posibleng mangyari.

Halimbawa:

Maari na ba itong ginagawa ko?

Ang bag na ito ay maaring nagtataglay ng mga bagay na gusto mo o hindi mo gusto

2. SIGURO

Ekspresyong ginagamit kapag ang pangyayari ay may posibilidad na magaganap sa pangyayaring kinakasangkutan o nagpapakita ng paninigurado.

Halimbawa:

Galit siguro sa akin ang aking matalik na kaibigan dahil hindi niya ako pinapansin

Nitong nakaraang araw, napakatahimik ni Alma, siguro may problema siya.

3. BAKA

Ekaspresyong nagpapakilala ng agam-agam, hinala, takot, alinlangan, walang kasiguraduhan, o pag-aalala.

Halimbawa:

Baka hindi ko na makitang muli ang hinahanap kong gamit.

Baka ang bisitang inaasahan mong dumating ay ang babaeng nakita ko kanina na pasilip-silip sa bintana ng inyong bahay.

4. MARAHIL

Ekaspresyong nagpapakita ng alinlangan sa sinabi o pagkakagawa o sa mismong pangyayari.

Halimbawa:

Marahil ay naghihintay na sa aking pagdating ang aking mga magulang at mga kamag-anak.

Hindi na niya marahil mauunawaan ang aking mga sinasabi sapagkat wala siya nang ito ay maganap.

5. TILA

Ekaspresyong nagpapakita ng walang katiyakan. Ito rin ay nangangahulugang wari, para, mukha, at iba pa.

Halimbawa:

Tila pinagsakluban ng langit at lupa ang magkapatid na gansa nang makita ang kaibigang napahamak.

Sa mga pangyayari ngayon, tila magkakaroon na ng katahimikan at kapayapaan ang ating bansa.