දේශගුණික සාධක වල බලපෑම

යම් ප්‍රදේශයක කෙටි කාලයක් තුල වායුගෝලයේ පවතින ස්වභාවය එම ප්‍රදේශයේ කාලගුණය වේ

දීර්ඝ කාලයක් තුල යම් ප්‍රදේශයක කාලගුණික දත්ත අධ්‍යයනය කර ඒ ඇසුරින් දක්වන සාමාන්‍ය පරිසර තත්ත්වය එම ප්‍රදේශයේ දේශගුණය වේ

යම් ප්‍රදේශයක පවතින කාලගුණික තත්ත්වය ප්‍රකාශ කිරීම සඳහා කාලගුණික පරාමිති යොදා ගැනේ.

​වර්ෂාපතනය

යම් ප්‍රදේශයකට වර්ෂාව ලෙස ලැබෙන ජල ප්‍රමාණය උසක් වශයෙන් මැන දැක්වූ විට එය වර්ෂාපතනය ලෙස හැඳින්වේ

වර්ෂාපතනය මැනීම සඳහා,

• සරල වර්ෂාමානය (සටහන් නොවන ආකාරයේ)

• ස්වයංක්‍රීය වර්ෂාමානය (සටහන් වන ආකාරයේ)

භාවිත කෙරේ.

වර්ෂාපතනයේ ඒකකය - මිලි මීටර් (mm)

​සරල වර්ෂාමානය

​ස්වයංක්‍රීය වර්ෂාමානය

වායුගෝලීය උෂ්ණත්වය මනිනු ලබන්නේ පොළොව මට්ටමේ සිට 1.2m ක් උසින් සවි කල උෂ්ණත්වමානයකිනි.

උෂ්ණත්වය මනින ඒකක

• සෙල්සියස් අංශක (⁰C)

• ෆැරන්හයිඩ් අංශක (⁰F)

• සාමාන්‍ය උෂ්ණත්වමානය

• උපරිම අවම උෂ්ණත්වමානය

​

යම් කිසි අවස්ථාවක දී වායුගෝලයේ උෂ්ණත්වය මැනීම සඳහා භාවිත කෙරේ.

​​සාමාන්‍ය උෂ්ණත්වමානය

යම් කිසි නියමිත කාල පරාසයකදී වායුගෝලයේ පැවති උපරිම උෂ්ණත්වය හා අවම උෂ්ණත්වය මැනීම සඳහා භාවිත වේ.

උපරිම අවම උෂ්ණත්වමානය

බෝග වගාව කෙරෙහි ආලෝකයේ බලපෑම ආකාර 03කි.

• ආලෝක තීව්‍රතාව

• ආලෝකය පවතින කාල සීමාව

• ආලෝකයේ ගුණාත්මය

මෙය සූර්යාලෝකයේ සැර බව වේ.

ආලෝක තීව්‍රතාව මනින උපකරණය - සූර්ය විකිරණමානය

ඒකකය - ලක්ස් (Lux)

​

​ආලෝක තීව්‍රතාව

​යම් දිනක් තුල කිසියම් ප්‍රදේශයකට ආලෝකය ලැබෙන කාල සීමාවයි. එනම් දිවා කාලයේ දිගයි.

උපකරණය - සූර්ය දීප්තමානය

​ආලෝකය පවතින කාල සීමාව

සූර්යය වෙතින් පොළොවට ලැබෙන විවිධ තරංග ආයාම සහිත කිරණවල සංයුතිය ආලෝකයේ ගුණාත්මය ලෙස හැඳින්වේ.

යම් උෂ්ණත්වයකදී හා පීඩනයකදී, යම් නිශ්චිත වාත පරිමාවක ඇති ජල වාශ්ප ප්‍රමාණය හා එම උෂ්ණත්වයේදී හා එම පීඩනයේදී එම වාත පරිමාවම සංතෘප්ත කිරීමට අවශ්‍ය වන ජල වාශ්ප ප්‍රමාණය අතර අනුපාතයේ ප්‍රතිශතය සාපේක්ෂ ආර්ද්‍රතාව ලෙස හැඳින්වේ.