​Sor - Singgih Basa Bali

​Napi nika sor singgih?

​Sor Singgih

Basa Bali punika madue tingkatan-tingkatan, nika sane ketah kabaos anggah ungguh basa Bali.Wenten sane wirasa basane singgih lan sor.​

Singgih : tinggi

Sor : rendah​

​WANGSA : Garis keturunan

​a)      Brahmana : Ida Bagus, Ida Ayu.....

b)      Ksatria      : Cokorda, Anak-Agung, dll 

c)      Wesia : Dewa, Desak, Ngakan, Sang, Si, dll
d)      Sudra         : Soroh Jaba

​WARNA : Profesi

a)      Brahmana : Sulinggih, Guru, dll

b)      Ksatria      : Polisi, tentara, pemerintahan, dll

c)      Wesia : Pedagang, pengusaha, dll

d)     Sudra         : Petani, para pekerja, buruh, sll

​Kawigunan Wenten Basa Singgih (Halus)

1. ​Anggen Nyungjungang anak tiosan,

2. Mabaosan majeng wangsa/warna tegehan,​

3. Mabaosan majeng atiti,

4. Mabaosan majeng anak sane durung kauningang,

5. Mabaosan ring acara formal​

​Sakewanten Basa Sor Kaanggen:

1. ​Mabaosan majeng wangsa/warna andapan

2. Mabaosan majeng sesamen wangsa

3. Mabaosan​ majeng sawitra sane raket

4. Kaanggen mi​yegan (B.Kasar)

5. Kaanggen maosang soroh beburon, punyan-punyanan, miwah sane tyosan.​

​Soroh Basa Singgih

​a. Basa Alus Singgih (ASI)

b. Basa Alus Sor (ASO)​

c. Basa Alus Madia (AMA)​

d. Basa Alus Mider (AMI​

​Soroh Basa Sor

​a. Basa Kasamen/Kepara (BS)

b. Basa Kasar (BK)​

​Basa Alus Singgih (ASI)

Lengkara alus singgih inggih punika lengkara basa Bali sane mawirasa alus, kaanggen nyinggihang sang singgih. Ceciren utama lengkara alus singgih nganggen kruna pangentos "Ida, Ratu, Dane."

​

conto:

Seda, Mantuk, Lebar, Ngandika, Ngaksi, mirengang, ida, wikan, parab, gria, ngrayunang, madue, dll.​

​

Lengkara:​

a. Dane sampun numbas mobil.

b. Bapak Bupati kantun madue oka alit-alit.

​

​Basa Alus Sor (ASO)

Lengkara alus sor inggih punika lengkara sane ngawetuang wirasa alus saha kaanggen ngasorang raga utawi ngasorang anake tiosansane linggihnyane soran. Ceciren utama lengkara alus sor nganggen kruna pangentos "titiang lan ipun."

​

conto:

Titiang, padem, budal, matur, miragi, ipun, wasta, nglungsur, dll.​

​

Lengkara:​

a. Ipun kantun nguwug bale Bali

b. Titiang sampun nunas i wau

​Basa Alus Madia (AMA)

Lengkara alus madia inggih punika lengkara basa Bali alus sane maderbe wirasa makanten kirang alus utawi kantun madia. Ciri utama lengkara alus madia nganggen kruna "tiang, jero, lan ragane."

Kaanggen mabaosa majeng wangsa/wara andapan sane patut jungjungang​ (hormati).

​

conto:

Tiang, niki, nika, ten, napi, ampun, sirep, ngajeng, margi, meriki, dll.​

​

Lengkara:​

a. Tiang nunasang antuk linggih jerone?

b. Tiang ampun ngajeng tuni semengan.​

​Basa Alus Mider (AMI)

Lengkara alus mider inggih punika lengkara sane kaanggen mabaos olih sang kairing mabaos. Ceciren utama lengkara alus mider madaging kruna pangentos "iraga miwah druene." Kawigunannyane anggen mabaosan majeng sane singgihan utawi sane andapan.

​

conto:

rauh, jinah, puput, gelis, raris, puput, dll.​

​

Lengkara:​

a. Tiang nunasang antuk linggih jerone?

b. Tiang ampun ngajeng tuni semengan.​

​Basa Kasamen (BKs)

Leinggih punika basa sane kaanggen ring pagubugan serahina majeng kulawarga, sawitra, miwah sameton sane wirasan basanyane nenten alus nanging nenten taler kasar. Basa niki taler kaparinama Basa Kapara, Basa Andap. Ceciren utama lengkara andap nganggen kruna pangentos "icang, iang, cai, nyai, raga, bena, I bapa."

​

conto:

pules, gedeg, mai, kema, icang, madaar, singgah, mata, dll.​

​

Lengkara:​

a. I Bapa mara pesan majalan ngebah tiing tali.

 b. Icang lakar ngecet tembok malu.

​Basa Kasar (BK)

LeLengkara kasar inggih punika lengkara basa Bali sane madue wirasa kaon. Yadiastun asapunika nenten ja makasami kruna-kruna sane ngwangun lengkara kasar punika kruna kasar. Ceciren utama lengkara kasar madaging kruna pangentos "iba, ake, kai, cicinge, polone".

​

conto:

leklek, cicing, beler, iba, medem, ngamah, siga, dll.​

​

Lengkara:​

a. I Depang suba apang Bangka polone!

 b. Gae ape jemak iba to ditu!