​ Ang bawat pinuno ng komunidad ay inihahalal o pinipili ng mga mamamayang 18 taong gulang pataas tuwing halalan. Ang halalan para sa mga pinuno ng lokal na pamahalaan ay ginagawa tuwing Mayo kada ikatlong taon. Ang halalan naman ng mga pinuno ng barangay ay ginagawa tuwing Oktubre kada ikatlong taon.

​ Malaki ang papel na ginagampanan ng mga pinuno sa isang komunidad. Kaya naman kailangang ihalal ng mga mamamayan nito ang taong may mga katangian ng isang mabuting pinuno. Ang ilan sa mga katangian ng isang mabuting pinuno ay ang sumusunod:

​

• responsable;

• may disiplina sa sarili;

• naninindigan sa katotohanan

• huwaran at modelo ng mabuting gawa;

• walang kinikilingan sa pagpapatupad ng batas;

• inuuna ang kapakanan ng mga tao sa komunidad; at

• mapagpakumbaba at matapat.

​ Ang bawat mamamayan ng komunidad ay may tungkulin upang siguraduhing maayos ang pagpili ng mga pinuno. Kapag maayos ang pagpili sa mga pinuno ng bayan, kalimitang maayos ang nagiging epekto nito sa komunidad.

​ Kapag ang pinuno ay matapat, maparaan, matalino, at mahusay, natutugunan nang mas maayos ang mga pangangailangan ng komunidad. Kapag maayos na natutugunan ang mga ito, nagiging malinis, mapayapa, tahimik, maunlad ang komunidad.

​Gawain sa Pagkatuto Bilang 1:

​

Isulat sa patlang ang tsek(✓) kung ang pahayag ay tama, at ekis (x) naman kung ito ay mali. Isulat ang iyong sagot sa sagutang papel.

​Gawain sa Pagkatuto Bilang 2:

​

Piliin sa loob ng kahon ang mga katangian ng isang mabuting pinuno at isulat ito sa Hanay A. Isulat naman sa Hanay B ang mga katangian ng hindi mabuting pinuno. Isulat ang iyong sagot sa sagutang papel.

​Salamat sa aktibong pag-aaral.

​

Salamat sa mga magulang at guardian sa walang sawang paggabay..​