FILIPINO2 Q1M4

​Marunong ka bang sumunod sa ipinag-uutos sa iyo? Alam mo ba kung bakit dapat kang sumunod? Ano nga ba ang maaaring mangyari sa iyokung hindi ka marunong sumunod sa ibinigay na panuto?Tara, alamin natin ang mga kasagutan sa mga tanong na sa ating kuwento.

​Si Nicole ay nasa ikalawang baitang, katulad din siya ng ibang bata na medyo may kakulitan.Minsan ay isinama ni Aling Marta si Nicole sapamilihan dahil na rin sa pagpupumilit nito. “O sige, isasama kita subalit kailangan mong sumunod sa akin,” ang sabi ng ina. “Pangako po,” tugon niya.

​“Huwag na huwag kang hahawak ng kahit anong bagay sa palengke, dapat ay lagi kang nasa tabi ko at nakahawak sa akin. Huwag ka ring aakyat sa ibabaw ng mga upuan at susuot sa ilalim ng mga mesa, mataposnating mabili ang lahat ay ibibili kita ng manika,”mahabang paliwanag ng ina. “Talaga po Nay, sige po,”tugon ng bata.Pagdating sa pamilihan (,) ay nakalimutan na ni Nicole ang pangako sa ina. Akyat dito, suot doon.

Takbo dito, takbo doon ang kanyang ginawa. Napabuntong-hininga na lamang si Aling Marta.Matapos mabili ang lahat ay tuloy-tuloy na lumabas ng pamilihan ang mag-ina. “Nay may nakalimutan pokayo, yung manika ko po,” paalala ni Nicole.Tumingin sa kanya nang seryoso ang ina at sinabi“Hindi ako ang nakalimot, hindi mo ba naalala ang mgaibinilin ko sa iyo?” seryosong sagot nito.Walang nagawa si Nicole kundi tumahimik dahil alam niyang galit ang ina. “Dapat pala sumunod ako,” bulong niya sa sarili.

​Ang pakikinig at pagsunod sa sinasabi sa atin ay napakagandang pag-uugali na kayang-kaya mong gawin, hindi ba?

Tara, balikan natin ang ating kuwento.

Panuto: Sagutin ang sumusunod na tanong.