Փոխառություններ: Օտարաբանությւոններ: Բառապատճենումներ:

​Փոխառյալ է համարվում այն բառը, քերականական իրողությունը, որը վերցրել ու վերցնում ենք օտար լեզուներից (անմիջական և միջնորդավորված), և որի համարժեքը չունենք։

​Անմիջական են տվյալ սկզբնաղբյուր լեզվից ուղղակիորեն վերցված բառերը: Հայերենը անմիջական փոխառություններ ունի պարսկերենից, հունարենից, արաբերենին, վրացերենից, թուրքերենից և այլն:

​Միջնորդավորված են այն փոխառությունները, որոնք մեկ այլ լեզվի միջոցով են փոխանցվում: Օրինակ լատիներեն ռադիո, էքսկուրսիա, կապիտալ բառերը հայերենին են անցել ռուսերենի միջոցով:

​Ամենաշատ փոխառություններ հայերենը կատարել է պարսկերենից՝ 1410 բառ:

​Հունարեն՝900 բառ:

​Արաբերեն՝ 700 բառ:

​Նորագույն շրջանի փոխառությունները հիմնականում կատարվում են ռուսերենից և եվրոպական լեզուներից:

​Օտարաբանություն է համարվում այն բառը, որի համարժեքն ունենք մեր լեզվում, սակայն այս կամ այն պատճառով շարունակում ենք գործածել օտար բառը

​ Լեզուներն հարստանում են նաև բառապատճենումների ճանապարհով: Սա այն միջոցն է, երբ օտար լեզվի բառը տվյալ լեզուն վերցնում և պատճենահանում է իր բառիմաստների և բառակազմության միջոցով: Սրանք լինում են լրիվ պատճենումներ և կիսապատճենումներ: Օրինակ լրիվ պատճենում են՝ ինքնաթիռ, երկաթուղի, գնդացիր, հարվածային գործիք, շոգենավ և այլն: Իսկ կիսապատճենումը այն երևույթն է, երբ օտար լեզվից վերցրած բառի մի մասն է թարգմանվում միայն . օրինակ՝ կինոդերասան, կինոդահլիճ, ավտոմեքենա, ավտոճանապարհ և այլն:

​Ավելի մանրամասն տես՝ Հայոց լեզվի դասագրքի

61-65 էջերում

Հղումը՝ ստորև: