Paghahambing

​A. Natutukoy ang sa loob ng pangungusap ang dalawang uri ng paghahambing.

​

​B. Nagagamit ang mga uri ng paghahambing sa paggawa ng mga pangungusap.

​

​Ibang paaralan sa UAE

​Paano nakatutulong ang aralin sa paghahambing sa pang-araw-araw ninyong pamumuhay?

​Dalawang Uri ng Paghahambing

• ​Ang paghahamping ay paglalarawan ng kaibahan at pagkakatulad ng dalawa o higit pang mga bagay.

• ​Isa sa pinakamahalagang sangkap sa uri ng paglalahad ay ang habingang ng pang-uri.

• ​Madalas nating inilalarawan at pinagkukumpara ay ang halimbawa ng pangngalan.

​Ang una sa uri ng paghahambing ay tinatawag na pahambing na magkatulad. Ang pahambing na magkatulad ay tumutukoy sa magkatulad na paglalarawan sa dalawang bagay. Gumagamit tayo ng mga panlaping gaya ng magka-, sing-, sim, sin-, magsing-, magsim-, magsing-, ga-, pareho, at kapwa.

1. Magkasing-tangkad lang si Peter at si Ella kaya sila ay ginawang pares sa sayaw.

2. ​Sindami ng isda ang nahuli ni Ruben at Edwin.

3. ​Kapwa mabilis tumakbo ang dalawang kalahok.

4. ​Parehong malakas ang bagyong dumaan sa Pilipinas.

5. ​Magkasimbilis kung kumain si Nanay at Tatay.

​Ang ikalawang uri ng paghahambing ay tinatawag na pahambing na di-magkatulad. Ito ay tumutukoy sa pagkakaiba ng dalawang bagay. Ginagamit ito kung ang hinahambing ay magkaiba ang antas ng isang bagay o anuman. May dalawang uri ito; PALAMANG at PASAHOL.

Ito ay tumutukoy kung nakahihigit sa katangian ang isa sa dalawang pinaghahambing. Ginagamitan ito ng higit, lalo, mas, at di-hamak.

​Halimbawa

​1. Mas maganda ang mga tanawin sa Pilipinas kaysa sa ibang bansa.

​2. Higit na dumami ang mamimili ni Aling Marta kaysa sa katabing tindahan ni Aling Pasing.

​3. Di-hamak na magagaling ang mga mag-aaral ng UIPS kaysa sa ibang paaralan.

​Tumutukoy kung ang inilalarawan ay kulang sa katangian ang isa sa dalawang pinagkukumpara. Gumagamit ito ng di gaano, di gasino, at di masyado.

​Halimbawa

​1. Di gaanong kagalingan sa Math si Matty kumpara kay Nelson.

​2. Di gasinong kagandahan ang bulaklak na iyon.

​3. Di masyadong masarap ang ulam sa karindiryang ito kumpara duon sa malapit sa amin.

​Paano nakatutulong ang aralin sa paghahambing sa pang-araw-araw ninyong pamumuhay?