Filipino

Aralin 4:

Ang SANAYSAY ay isang uri ng panitikan na nasa anyong tuluyan. Isang kilalang manunulat ng sanaysay ang nagsabing, " ang sanaysay ay isang salaysay ng isang sanay sa pagsasalaysay." Nangangahulugan lamang ito na ang sanaysay ay isinulat mula sa tilamsik ng diwa sa pamamagitan ng masining na pamamaraan. Ito'y hindi mga opinyon lamang sapagkat ito'y may saligang kaalamang pinagmumulan upang higit pang makapagbabatid at makapaghinuhod ng mambabasa sa kaisipan at katuwirang inilahad na may layuning makapagbukas isipan nang maging mulat sa ginagalawang mundo, timbangin ang katuwiran at makapagpasya tungo sa ikauunlad o higit pang paglinang sa maganda pangyayari.