PINAGMULAN NG MGA UNANG PANGKAT NG TAO SA PILIPINAS

Ang Teoryang Austronesyano ay nagpapaliwanag kung sino ang unang tao na nakarating at nanirahan sa Pilipinas. Ayon kay Peter Bellwood, taong 5000 BC nang unang umalis mula Timog Tsina ang mga Austronesyano. Dumaan sila sa Taiwan bago bumaba sa Pilipinas at kumalat sa lahat ng direksiyon.

Naging batayan ni Peter Bellwood sa kaniyang teorya ang pagkakatulad ng wikang gamit ng mga bansa sa Timog-Silangang Asya at sa Pasipiko.

Isa pang teorya na may pagkakahawig sa teorya ni Peter Bellwood ay ang teorya ni Wilhelm Solheim II na "Nusantao Theory". Ayon sa kanya, nauna ng kumalat ang mga Austronesyano sa katimugang bahagi ng Pilipinas. Ang pakikipagkalakalan ang pangunahing dahilan ng kanilang pagpapalawak ng teritoryo.

May paniniwala naman ang mga Pilipino batay sa mitolohiya kung sino ang unang tao sa Pilipinas. Ayon sa kuwento, may isang hari ng mga ibon ay lumipad at ginalugad ang papawirin. Mula sa malayo kanyang natanaw ang mataas na kawayang yumuyukod sa mahinhing paspas ng hangin. Kanyang pinuntahan at dumapo sa kawayan upang magpahinga.

May narinig siyang katok na nagmula sa loob ng kawayan. May tinig siyang narinig. "Palayain mo ako, oh, makapangyarihang hari ng mga ibon!" ang inaing. "Tuktuking ng iyong tuka ang kawayang kinapapalooban ko. Hindi ako makahinga.

Naisip ng ibon na baka ito ay patibong. Maya-maya'y may butiking gumapang na paitaas sa kawayan. Palibhasa'y gutom, ito'y tinuka ngunit hindi nahuli. Buong lakas na tinuktok uli ng ibon ang kawayan. Nabiyak ang kawayan. Isang makisig na lalaki at babaeng lumabas na tinawag na sina Malakas at Maganda.

Sina Malakas at Maganda ay dinala sa pulong luntian. Dito sa Pilipinas namuhay ang mag-asawang Malakas at Maganda ang ama't inang pinagmulan ng mga lahing kayumanggi.

Ang relihiyong Kristiyano at Islam ay ipinaliwanag sa Banal na kasulatan na nilikha ng Diyos o Allah ang unang lalaki na si Adan at unang babae na si Eba. Sila ang pinagmulan ng lahat ng lahi sa mundo.