ESP Q4 - M5

Mahalaga na magkaroon tayo ng pagkahilig o pagkagusto sa pagtatanim o paghahalaman tulad ng mga gulay at prutas sa mga bakanteng lote o espasyo sa bakuran. Ang paghahalaman ay marami ang maitutulong sa atin. Ito ay makapagbibigay ng sariwang hangin at sariwang gulay at prutas. Nakababawas din ito sa ating gastusin dahil hindi na tayo bibili pa sa palengke kung tayo ay may sariling tanim.

Ngunit alam natin na dito sa Metro Manila ay bihira ang may bakanteng lote o espasyo sa bakuran. Paano tayo makapagtatanim?

Maraming paraan upang tayo ay akapagtatanim kahit walang bakanteng lote. Isa na dito ay ang paggamit ng mga paso sa paghahalaman. O kaya

paggamit ng mga plastik na bote at lumang gulong upang gawing paso o taniman.

Sa pangkasalukuyang panahon, ang ating bansa maging ang maraming bansa o halos buong mundo ay nakararanas ng pandemya. Dahil sa pandemyang ito maraming mga tao ang nanatili sa loob ng bahay o tahanan. At dahil, dito nag-isip ang maraming mga tao ng pagkakakitaan at pagkakalibangan. Isa sa mga naisip na libangan ng halos lahat ng ating mga kababayan lalo na, ng mga nakatira sa Metro Manila, ay ang paghahalaman. May mga nausong katagang plantita at plantito. Ito ay naging tanyag na salita sa ating bansa dahil sa pagkahilig sa pagtatanim ng ating mga kababayan.

Ngunit hindi naging madali ang pagtatanim sa marami nating kababayan lalo na ang mga nakatira sa Metro Manila sa kadahilanang

limitado ang espasyo na pagtataniman. Subalit hindi naging hadlang ang kakulangan sa espasyo upang maisagawa ang paghahalaman. Marami ang gumamit ng paso na gawa sa ibat-ibang materyal. Dahil sa may tinatawag na online shopping napadali sa ating mga kababayan ang pagtatanim. Marami ang bumili ng lupa na ilalagay sa paso upang pagtaniman. Kaya naman marami sa mga opisina at bahay ay may mga halamang nakalagay sa paso, maliit man o malaki. Marami ang namulat sa magandang dulot ng paghahalaman sa ating kapaligiran.