Most Essential Learning Competency (MELC)

Nakalalahok sa pangangampanya sa pagpapatupad ng mga batas

para sa kabutihan ng lahat (EsP5PPP-IIIg-30)

     1. pangkalinisan

     2. pangkaligtasan 

     3. pangkalusugan

     4. pangkapayapaan

     5. pangkalikasan 

Pangunahing Konsepto 

Ang mundo ang nagbibigay sa tao ng lahat ng kaniyang mga

pangangailangan tulad ng: hangin, tubig, pagkain, tirahan, at iba pa.

Dahil dito, marapat lamang na tayong mga tao ay gawin ang lahat ng ating makakaya upang mapanatili natin ng maayos at maganda ang mundo. Kailangan natin itong mapanatili bilang isang lugar na

matitirhan ng susunod na henerasyon ng mga tao. 

Pangunahing Konsepto 

Hindi katanggaptanggap na naghahangad tayo ng magandang matitirhan ng ating mga anak ngunit kinakalbo naman natin ang mga kagubatan, dinudumihan ang mga anyong-tubig, inuubos ang ibang mga nilalang dahil sa ilegal na pangingisda, pagkakaingin, pangangaso, at iba pa. O kaya ay dumating ang pagkakataon na may pera ka nga na pampatayo ng bahay pero wala ka naman mabiling plywood sa hardware dahil walang supply. 

Kailangan nating kumilos bago mahuli ang lahat.

Kawawang mga Nilalang sa Dagat

Palubog na ang araw. Tahimik na gumagawa ang lahat ng mga nilalang sa Kaharian ni Haring Neptuno. Bigla, dumating si Pating, ang lider ng puwersang militar ng mga nilalang ng dagat. 

“Haring Neptuno, nakakita ako ng dalawang bangka na maraming

lulang mangingisda. May dala silang mga dinamita! Papunta sila sa gawing ito,” pag-uulat ni Pating. 

“Ano? Dali! Ipunin ang lahat ng nilalang sa dagat at dalhin sa ligtas

na lugar!” utos ni Haring Neptuno. 

Tinipon ni Pating ang lahat at dinala sa kanilang taguan.

“Kawawang mga nilalang ng dagat! Mawawalan na sila ng 

pagtataguan pagdating ng panahon kung magpapatuloy ang mga

mangingisda sa paggamit ng dinamita. Baka mamatay tayong

lahat,”pagdadalamhati ni Pating. 

Samantala, sa hindi kalayuan, naliligo si Tulingan at ang

kaniyang anak. Wala silagn malay sa nakaambang panganib.

Nasalubong nila si Talakitok. 

“O,pinsang Tulingan,mukhang masaya kayong lumalangoy. ‘Yan

na ba si Tuling? Ang laki mo na!” pagbati ni Talakitok. “Oo, pinsang

Talakitok. Dadalhin ko ang anak kong si Tuling sa ilang magagandang

lugar kung saan maaari siyang lumangoy. O, sige, pinsang Talakitok.

Magkita na lang tayo uli,” tugon ni Tulingan.  

“Sige, pinsang Tulingan. Mag-iingat ka, paalaala ni Talakitok.

“Salamat , pinsang Talakitok . Dali ka, Tulingan. Pumunta tayo 

noon,” sabi ni Tulingan .Ilang saglit pa, may napansin si Tuling.

“Inang, tingnan mo po! May mga nalalaglag na mga bagay, ano 

po ang mga iyon?” tanong ni Tuling.

“ Huwag na huwag mong lalapitan ang mga iyon. Dali ka, 

Tuling. Basta sumunod ka sa akin,” babala ni Tulingan. 

Hindi kaagad sumunod si Tuling sa kaniyang nanay. Hindi niya 

mapigilang lapitan ang bumabagsak na mga bagay.

“Ano ito? Para saan kaya ang taling ito?” sabi ni Tuling sa sarili.

Napansin ni Tulingan na wala na sa likuran niya si Tuling. 

Nawawala si Tuling! “Saan siya nagpunta? Dapat akong bumalik at

hanapin siya,” sabi ni Tulingan sa sarili. 

Pabalik na si Tulingan nang magulat siya sa isang malakas na

pagsabog. 

“Naku! Doon nagmula sa pinanggalingan namin ang pagsabog. Baka

doon naiwan si Tuling! Tuling! Anak ko!” paiyak na nasabi ni Tulingan. 

Gawain sa Pagkatuto:

Panuto: Sagutin ang sumusunod na tanong. Isulat sa papel ang iyong 

  sagot. 

Gawain sa Pagkatuto:

Panuto: Isulat ang /  sa patlang kung nagpapakita ng pagpapatupad 

   ng batas sa kalinisan at kaligtasan ng lahat at X kung hindi. 

Gawain sa Pagkatuto:

Panuto: Piliin ng ang bilang na nagpapahayag ng pagpapatupad ng mga batas pangkapayapaan para sa kabutihan ng lahat. Biyak na puso kung hindi.

Maraming Salamat!