Pag-uulat sa mga nalikom na datos

A. naiisa-isa ang mga hakbang sa paglikom ng datos mula sa pananaliksik;

B. nakalilikom ng datos mula sa pananaliksik; at

C. naiuulat nang maayos at mabisa ang mga nalikom na datos sa pananaliksik.

1. Nakasulat o hindi nakasulat na datos – Maituturing ang datos bilang nakasulat na datos kung mayroong limbag na dokumentong kaakibat nito. Kabilang dito ang mga libro, journal, magasin, pahayagan, liham, awtobayograpiya, mapa, larawan, at iba pang kasulatan. Sa kabilang banda, ang mga hindi nakasulat na datos ay pasalitang panitikan, sining, artifact, fossil at iba pang katulad nito.

2. Primarya, sekondarya, o terserang datos – Maaari ding organisahin ang datos batay sa ikalawang klasipikasyon. Naituturing na primarya ang datos kung kapanahong saksi at may tuwirang kaugnayan ito sa pinag-aaralang paksa. Sekondarya naman ang datos kung hindi ito kapanahong saksi ng paksang pinagtutuunan at gumamit lamang ng primaryang sanggunian. Tersaryang datos naman ang mga sangguniang ginamit, nagtipon, at naglagom ng mga primarya at sekondaryang datos.2.

1. Siguraduhin na ang mga pinagkunan ng datos ay mapagkakatiwalaan at kinikilala upang masiguro ang kalidad at katotohanan.

2. Ang mga natipon na datos ay isaayos batay sa pagkakasunod-sunod ng mga kinakailangang impormasyon na tutugon sa mga inihayag na resulta ng saliksik.

3. Iugnay ang mga nalikom na datos sa angkop na nilalaman sa bahagi ng saliksik.

4. Balikan, analisahin at rebisahin ang mga nakalap na datos batay sa pangangailangan nito sa saliksik.

5. Komunsulta sa tagapayo upang masuri at mabigayan ng suhestiyon ang mga nakalap na datos bago ang pag-uulat ng mga ito