Watawat ng Pilipinas

Ito ang watawat ng Pilipinas, pero saan kaya nagmula ang disenyo nito at ano ang ibig sabihin ng mga ito?

Marami na ang naging mga disenyo ng watawat ng Pilipinas, ngunit noong taong 1936, ang dating presidente ng Pilipinas na si Manuel L. Quezon ay gumawa ng batas kung saan nakasulat ang huling disenyo ng watawat ng Pilipinas at ang simbolo ng mga ito.

Ang watawat ng Pilipinas ay may puting tatsulok na may isang araw na may walong sinag at tatlong bituin sa bawat sulok ng tatsulok. Ang itaas ay kulay asul at sa ilalim naman ay pula.

Ang sinisimbolo ng araw ay kalayaan. Ang walong sinag ay ang walong probinsya na lumaban sa mga Kastila. Ang mga ito ay ang Maynila, Cavite, Bulacan, Pampanga, Nueva Ecija, Tarlac,  Laguna at Batangas.

Ang tatlong bituin ay ang tatlong malalaking isla sa Pilipinas - ang Luzon, Visayas at Mindanao. Ang puting tatsulok ay sumisimbolo sa pag-asa ng pagkakapantay-pantay, ang asul ay kapayapaan at ang pula naman ay katapangan, at kung mapunta sa itaas ang pulang kulay, ang ibig sabihin ay may digmaan sa Pilipinas.