Galicia

Aprobaremos a primeira lei de infancia de galicia que sirva para

fortalecer á parte máis vulnerable da nosa sociedade e fomentar o acollemento

familiar na protección da infancia.

Crearemos o BANCO DE NEGOCIOS VIABLES NO MEDIO RURAL para asegurar o relevo xeracional daqueles negocios do rural que non teñen relevo no

ámbito familiar.

Apostaremos polo emprego de madeira certificada na rehabilitación de vivendas, que contarán con materiais máis sostibles e de

proximidade na súa construción.

Impulsaremos un plan alfabetización dixital dotando a cada familia galega con mozos e mozas en

idade da educación obrigatoria cun ordenador, cun dobre obxectivo: que a fenda dixital non

supoña unha discriminación nin falla de oportunidades no ensino e por outra banda que teñan

posibilidades de dispor dun equipo básico para poder estudar e aprender.

Implantaremos un plan de residencias para persoas maiores con prezos xustos e atención personalizada e con capacidade de crear riqueza e emprego nos concellos; e dotaremos de máis recursos a atención domiciliaria.

Estudaremos, coa administración portuguesa, a través dos mecanismos de cooperación trans-

fronteiriza da rexión Galicia – Norte de Portugal, como o eixe atlántico, as posibles complemen-

tariedades de dotacións industriais e polígonos empresariais especializados.

Destinaremos como mínimo o 1% do orzamento consolidado da Xunta de Galicia ás políticas

específicas de igualdade e contra a violencia contra a muller.

Potenciaremos a formación ao persoal, tanto do ámbito das administracións públicas como das entidades privadas, para a prevención da

LGTBIFOBIA.

Unha vez impulsadas as modificacións legais precisas, a cada vez máis ampla

comunidade islámica residente en Galicia poderá dotarse do primeiro CEMITERIO MUSULMÁN, coa finalidade de que poidan realizar os enterramentos de

acordo cos ritos da súa relixión e costumes

Crearemos a tarxeta galicia saúde exterior, con carácter

permanente, para que os galegos residentes no exterior poidan acceder aos servizos sanitarios necesarios durante a súas estancias temporais en galicia, sen ter que preocuparse da súa renovación en cada unha

das viaxes.