Օլիմպիադա 7-րդ դասարան

Եթե գրենք 7 հաջորդական թիվ, որոնցից երեք փոքրագույների գումարը հավասար է 33-ի, ապա դրանց երեք մեծագույների արտադրյալը հավասար է...

Բանվորը գերանները կտրում է սղոցով: Յուրաքանչյուր գերանը գոնե մեկ անգամ կտրելով, 53 կտրումով նա ստացավ 72 փոքր գերան: Քանի՞ գերան կար սկզբում:

a և b ամբողջ թվերը բավարարում են 2a=5b պայմանին: Բերված թվերից միայն մեկը կարող է հավասար լինել a+b -ին:

Միայն կենտ թվանշաններից կազմված քանի՛ քառանիշ թիվ կա, որ բաժանվում է 5-ի:

Պարզել օրվա ժամը, եթե հայտնի է, որ կեսօրից անցել է 4 անգամ ավելի շատ ժամանակ, քան թե մնացել է օրվա ավարտին:

60 էջանոց գիրքը ստացվում է 15 հատ թերթն իրար վրա դնելուց և ծալելուց հետո: Դիցուք 7-րդ էջը պարունակող թերթը բացակայում է: Ինչի՞ է հավասար բոլոր բացակայող էջերի համարների գումարը:

Գրատախտակին գրված էր ճիշտ հավասարություն։ Դասամիջոցին Արմենը փոխեց երկու թվանշան։

Ստացվեց 4 ^. 5 ^. 4 ^. 5 ^. 4= 2247 ոչ ճիշտ հավասարությունը։ Վերականգնի՛ր սկզբնական հավասարությունը և նշի՛ր ճիշտ պատասխանը:

Մի ավազանում կար 4 անգամ ավելի շատ ջուր, քան երկրորդում: Երբ առաջին ավազանում ավելացրեցին 34լ ջուր, իսկ երկրորդ ավազանում` 21լ, ապա երկու ավազաններում միասին եղավ 440լ ջուր: Պարզել, թե սկզբում որքա՞ն ջուր կար ավազաններից յուրաքանչյուրում:

24մ երկարությամբ գնացքը 48 մետր երկարությամբ կամրջի վրայով անցնում է 18 վայրկյանում: Որքա՞ն ժամանակում գնացքը կանցնի բարակ սյան կողքով:

Քանի՞ հատ եռանիշ թիվ կա, որ 7-ի բաժանելիս մնացորդում ստացվում է 2: