ეს ჯუჯა სახელმწიფო იტალიის ტერიტორიაზე მდებარეობს. ის ითვლება ევროპის ყველაზე უფრო ძველ შენარჩუნებულ სუვერენულ სახელმწიფოდ და უძველესი კონსტიტუციის მქონე რესპუბლიკად. დაასახელეთ სახელმწიფო.

რომში მდებარე ეს ტაძარი ერთ-ერთი ცნობილი და მნიშვნელოვანი ტაძარია ქრისტიანულ სამყაროში. ის არის აგრეთვე ვატიკანის უმთავრესი და უდიდესი ნაგებობა. 1990-იან წლებამდე ეს ეკლესია ყველაზე დიდი ქრისტიანული ნაგებობა იყო მსოფლიოში. შენდებოდა 1506 წლიდან- 1626 წლამდე 120 წლის მანძილზე. ტაძარში დაკრძალულია პეტრე მოციქული (იესოს თორმეტ მოციქულთაგანი). რომელი ტაძარია ეს?

იტალიის ეს უნივერსიტეტი, უძველესი მოქმედი უნივერსიტეტია ევროპაში, ხოლო მსოფლიოში სიძველით მეორე ადგილს იკავებს. აღსანიშნავია, რომ სიტყვა ,,უნივერსიტეტის“ წარმოშობა სწორედ ამ სასწავლო დაწესებულებას უკავშირდება. აგრეთვე საგულისხმო ფაქტია, რომ უნივერსიტეტის ბიბლიოთეკა ერთ-ერთ უმდიდრეს ბიბლიოთეკად არის მიჩნეული.

სამხრეთ იტალიის სანაპირო ზოლის ეს მონაკვეთი გადაჭიმულია სოფელ პოზიტანოდან - ქალაქ ვიტერი-სულ-მარემდე. სორენტინის ნახევარკუნძულის სამხრეთ ნაწილში მდებარე ეს იუნესკოს მსოფლიო მემკვიდრეობის ძეგლი გამოირჩევა საოცარი მრავალფეროვნებით - ზღაპრული პეიზაჟებით, რთული რელიეფითა და ერთმანეთზე გადაბმული თვალწარმტაცი ქალაქებითა თუ სოფლებით. დაასახელეთ ეს სანაპირო.

დაასახელეთ მეოცე საუკუნის ცნობილი იტალიელი კინორეჟისორი,ცნობილია მისთვის დამახასიათებელი სტილით, რომელიც ფენტეზის და ბაროკოს ნაზავია. ის არის იტალიის ყველაზე დიდი ჯილდოს - დიდი ჯვრის ორდენის კავალერი. მის სახელს ატარებს მისი მშობლიური ქალაქის რიმინის აეროპორტი. ამბობენ,რომ მისმა შემოქმედებამ გავლენა მოახდინა ისეთი რეჟისორების შემოქმედებაზე, როგორებიც არიან: ვუდი ალენი, პედრო ალმოდოვარი, ემირ კუსტურიცა და სხვები.

მოცემული ქანდაკებები მიქელანჯელომ გააკეთა თემაზე ,,პიეტა"( სევდა), ღვთისმშობლის მიერ იესოს დატირება. დააკვირდით გამოსახულებებს, თქვენი აზრით ამ ოთხი ქანდაკებიდან რომელი გააკეთა ახალგაზრდა , 20 წლის მიქელანჯელომ, ხოლო რომელი გააკეთა თავისი სიცოცხლის ბოლოს?

1953 წელს ჯუზეპე ვერდიმ შექმნა ოპერა, რომლის მთავარი გმირი მაღალი საზოგადოების ქალია, რომელმაც სიყვარულისთვის ყველაფერზე უარი თქვა. ეს ოპერა იმითაც არის გამორჩეული, რომ ერთ-ერთ პირველ მუსიკალურ დრამად ითვლება, რომელიც არა მითოლოგიურ ან ისტორიულ თემაზე, არამედ რეალურ და თანამედროვე ამბავზეა დაფუძნებული. ოპერის სახელი იტალიურად ნიშნავს „გზიდან ჩამოცდენილს“ ან „დაკარგულს“. დაასახელეთ ეს ოპერა.

ის მდიდარი ტრაქტორების მწარმოებელი იყო. მას იმდენად არ მოსწონდა თავისი Ferrari-ს ავტომობილი, განსაკუთრებით გადაცემათა კოლოფი, რომ პირადად შეხვდა ენცო ფერარის და შესთავაზა გაუმჯობესება. ფერარიმ უპასუხა „შენ ტრაქტორებს აკეთებ - მანქანები ჩვენ დაგვიტოვე!“ პასუხით განაწყენებულმა გადაწყვიტა თავისი სპორტული მანქანა შეექმნა. დღეს ეს ბრენდი ერთ-ერთი უძვირესი სპორტული მანქანების მწარმოებელია. დაასახელეთ ბრენდი.