​Ano ang pangungusap?

- Ang pangungusap ay lipon ng mga salita na naglalahad ng buong diwa.

​Ano ang pangungusap?

- May mga uri ito ayon sa kung paano ito gagamitin.

​1. Paturol/Pasalaysay- Ito ay pangungusap na nagsasalaysay at nagtatapos sa tuldok.

Halimbawa:
Kinikilala taon-taon ang pamilyang matagumpay na nakasunod sa pangangailangan ng 4P’s.

​2. Patanong- Ito ay pangungusap na naghahangad ng kasagutan. Ito ay nagtatapos sa tandang pananong (?).

Halimbawa:
Sino ang nangungunang kandidato sa halalan?

​3. Pautos - ang pangungusap na nag-uutos at nagtatapos sa tuldok.

Halimbawa:
Bumalik ka rito.

​4. Pakiusap- ang pangungusap na nakikiusap at nagtatapos sa tuldok. Gumagamit ng mga salitang paki- o kung maari.

Halimbawa:

Pakidala nga ang aklat ko sa bahay.

​5. Padamdam- Ito ay nagsasaad ng matinding damdamin. Nagtatapos ito sa Tandang Padamdam (!).

Halimbawa:
a. Aray, ang sakit ng ngipin ko!
b. Wow, ang ganda ng tanawin!

Basahing mabuti ang mga pangungusap at tukuyin kung ito ay paturol, patanong, pautos, pakiusap at padamdam. Isulat ang sagot sa sagutang papel.

1. Mabuhay ang bansang malaya!

2. Makiisa sa pagpapatupad ng health protocols.

3. Ipinamalas ng mag-asawang Cuevas ang kasipagan.

4. Ang pag-aaral ay ginagawa sa loob ng bawat tahanan.

5. Bakit napili ang pamilyang Cuevas bilang huwarang pamilya?