PPT UPACARA TRADHISI

tegese upacara TRADHISI adat Jawa

^{Upacara tradhisi adat Jawa yaiku upacara kang ditindakake kanthi turun-temurun manut pakulinan masyarakat Jawa. Ingkang kalebet tuladha upacara tradhisi adat Jawa antarane: mantenan, tingkeban, brokohan, sepasaran, tedhak siten, resik desa, lsp. Nanging ing pasinaon iki, upacara tradhisi kang bakal dirembug difokusake ing upacara penganten adat Jawa. Ing kabeh upacara tradhisi adat Jawa kalebu upacara penganten, dikenal istilah upacara lan ubarampe. Apa tegese Upacara lan ubarampe? Amrih langkung cetha ayo wangsuli pitakon ing ngisor iki!}

Ubarampe yaiku piranti kang digunakake ing sawijine upacara adat.

Ubarampe

Upacara yaiku rantaman adicara ing salebete upacara adat.

​Upacara

Adicara lamaran nduweni karep kulawarga calon penganten kakung nakokake marang kulawarga calon penganten putri gelem ora diajak mbangun bale kulawarga. Ing adicara lamaran iki ditindakake liru sesupe/ tukar cincin minangka paningset antarane calon penganten putri lan calon penganten kakung.

​

​1.Upacara Lamaran

2. Pasang Tarub lan Tuwuhan/ Pasren

   Sedina utawa rong dina sadurunge ndungkap tempuke damel dipasang tarub lan tuwuhan utawa pasren. Ing adicara pasang tarub iki dipasang empyan kang digawe saka nam-naman blarak kang sinebut widhig. Saliyane kuwi uga dipasang maneka warna tuwuhan/ pasren arupa janur kuning, wit gedhang raja sajodho, cengkir gadhing, pari sawuli, tebu wulung, godhong kluwih, godhong ringin, godhong kara, godhong alang-alang, apa-apa, sekar lan wohing kapas sarta sekar kemuning.

​Pasemon janur kuning nyuwun wonten ngarsanipun Gusti mugi paring nur cahya kawilujengan, tinebihna saka sukerta.

Janur Kuning

​Pasemon wit gedhang raja sajodho mugi penganten kekalih saged gesang mukti

wibawa mulya luhur budinipun pindha narendra/ raja.

^{Wit Gedhang Raja Sajodho}

​Pasemon cengkir gadhing, cengkir jarwa dhosok saka kencenging pikir. Tegese

penganten kekalih menawi gadhah gegadhangan kedah dilampahi kanthi

kencenging pikir.

Cengkir Gadhing

​Pasemon pari sawuli supados tansah kacekapan ing boga.

​​ Pari Sawuli

​Pasemon tebu wulung supados sedaya gegayuhan saged ginayuh kanthi antebing kalbu lan manggih gesang sarwi sekeca.

Tebu Wulung

​Pasemon godhong kluwih nggadhahi pangajab supaya linuwih ing kamulyan, kamukten, lan kawibawanipun.

Ron Kluwih

​Pasemon godhong ringin mugi penganten kekalih tansah pinaringan pangayoman satemah ayem tentrem.

Ron Ringin

Pasemon godhong kara mugi penganten tinebihna saking sakara-kara, kang

pinanggih namung rahayu wilujeng.

Ron Kara

​Pasemon godhong alang-alang mugi mboten wonten alangan setunggal punapa.

​​ Ron Alang-alang

​Pasemon sekar lan wohing kapas mugi kacekapan kabetahan sandhangipun.

Sekar lan Woh Kapas

​Pasemon sekar kemuning mugi anggone jejodhoan saged nuwuhaken asma ingkang angambar-ambar ing salami-laminipun.

Sekar Kemuning

3. Upacara Siraman

Adicara iki duweni ancas kanggo ngresiki lair batine pinanganten

kekalih supaya ing dina pahargyan wis bisa resik lair batin.

4. Upacara Panggih Manten

Upacara panggih manten ing adat Jawa katindakake kanthi cara penganten kakung lan putri njawat asta. Dene ubarampe kang

digunakake nalika panggih manten yaiku kembar mayang. Kembar mayang minangka pralambang manunggale jiwa, rasa, lan karsa penganten sarimbit.

Sawise penganten sarimbit sami jawat asta katindakake adicara sembah sungkem penganten putri dhumateng penganten kakung. Upacara sungkeman nggadhahi makna priyantun putri kedah mbangun turut dhumateng kakunge. Lajeng katindakaken upacara wiji dadi/ midak tigan ayam. Upacara wiji dadi nggadhahi makna penganten kakung wajib paring nafkah dhumateng penganten putri. Sasampune upacara wiji dadi, penganten sarimbit jumeneng jejer ngunjuk toya wening kang ngemu pangajab muga penganten sarimbit isa wening pamikire anggone mbangun bale wisma.

5. Upacara krobongan

Upacara krobongan yaiku upacara kang katindakake sawise upacara panggih. Kang diwastani upacara adat krobongan antarane yaiku:

​Upacara bobot timbang nduwe pasemon menawa kulawarga penganten sarimbit ora emban cindhe emban siladan.

​​ 1. Upacara Bobot Timbang

​Upacara kacar-kucur nduweni pasemon menawa penganten kakung wajib paring nafkah dhumateng penganten putri.

​2. Upacara Kacar-kucur

​Penganten sakloron dhahar dulangan minangka perlambang penganten sakloron manuggal jiwa, rasa, lan karsa.

3. Upacara Dhahar Klimah

​Penganten sakloron sungkem nyuwun donga pangestu dhumateng priyantun sepuh.

4. Upacara Sungkeman

Dudutan Saka Nindakake Upacara Tradhisi

1. Ngucap syukur marang Gusti.

2. Nyuwun keslametan lan kewilujengan wonten sedaya kawontenan.

3. Kagem ngraketaken tali paseduluran kalih tangga lan sedulur.

4. Kagem nindakaken sedekah kersane pinaringan gesang berkah barokah.