Kaklase ko, Igagalang ko

Bawat isa ay may iba’t ibang paniniwala
o relihiyon. Saan ka man nanggaling at
anuman ang iyong kinagisnan, mahalaga na
matuto tayong gumalang sa paniniwala ng
iba.
Sa kabila ng pagkakaiba ng paniniwala,
maaaring makamtan ang pagkakaunawaan
at pagkakaisa kung tayo ay magpapakita
ng respeto sa bawat isa.

Ito ang simbahan ng mga Katoliko. Sila ay
pinangungunahan ng isang pari.

Ito naman ang Mosque ng mga Muslim.
Ito ang lugar at paraan nila ng pagsamba
kay Allah.

Ito naman ang paraan ng pagbibinyag sa
iba pang relihiyon.

Iba’t iba man ang paraan ng ating
pagsamba, mahalaga na tayo ay may
pananampalataya na nagsisilbing
gabay natin sa kabutihan. Ang
paggalang sa paniniwala ng iba ay
nakapagbibigay ng kapayapaan at
katahimikan sa bawat isa.