Оқу мақсаты: 7.3.2.1 Python (пайтон) программалау тілінде тармақталған алгоритмдерді жазу;

Жаңа білім

Алгоритмді графикалық түрде блок-схемалар арқылы көрсету-оның логикалық құрылымын графикалық түрде бейнелеу екендігін өткен тақырыптарда білдік. Мұнда деректерді өңдеудің әрбір кезеңі атқарылатын операцияға сәйкес әртүрлі геометриялық фигуралар (блоктар) түрінде көрсетіледі. Сонымен бірге алгоритмдерді блок-схема түрінде қолдануда блоктар арасын бағытталған кескінділермен дұрыс біріктіріп отыруы маңызды. Бұл әдіс арқылы есеп шығару барысында блок-схемадан программаға ауысу кезеңі оңай болады.

Есептерді программалау барысында олардың алгоритмдік блок-схемасын жасау өте маңызды. Программалауды енді бастап жатқандар берілген есептің маңызды тұстарын жоспарын жоспарлап алуы керек. Сол үшін орындалатын әрбір есептің шартын мұқият оқып,есептегі туындайтын әртүрлі шарттарды орынды қолдануы керек. Блок-схемалар арқылы алгоритмдік қадамдарды жоспарлап алғаннан кейін ғана есептің программасын жазуға кіріскен дұрыс.

Алгоритмдер құрылымына қарай 3 түрге бөлінеді:

• Сызықтық алгоритмдер

• Тармақталған алгоритмдер

• Циклдік алгоритм

Сызықтық алгоритмдер

Тармақталған және қайталау әрекеттері жоқ, барлық әрекет тізбекпен, бірінен соң бірі табиғи реттілікпен бір реттен орындалатын алгоритмдік құрылым

Тармақталған алгоритмдер

Бастапқы қойылған шарттың орындалуына қарай есептеу жүргізудің бірінші немесе екінші жолымен жүруін көрсететін алгоритмдік құрылым

Циклдік алгоритм

Бастапқы қойылған шарт орындалғанша қайталанатын командалар тізбегін көрсететін алгоритмдік құрылым. Циклдер көмегімен программа жазу оның жазылуы процесін жеңілдетеді.

​Екі таңбалы N саны берілген. Осы санның цифрларының қосындысы тақ сан ба, әлде жұп сан ба? Анықта. Егер тақ сан болса, жауапқа 1 саны, жұп сан болса, 0 саны шықсын.

​Екі таңбалы N саны берілген. Осы санның цифрларының қосындысы тақ сан ба, әлде жұп сан ба? Анықта. Егер тақ сан болса, жауапқа 1 саны, жұп сан болса, 0 саны шықсын.