​Modellashtirish bu nima?

​Elektron jadval formulalar yordamida ba’zi ma’lumotlarni (kiritilgan raqamlarni) oʻzgartirish va yana nimalar oʻzgarishini koʻrsatadi. Bu “modellashtirish” deyiladi

​Ma’lumotlarni kiritish uchun ma’lumotlar bazasi kerak. Buni amalga oshirish uchun dastavval ma’lumotlar toʻplanadi. Buni elektron yoki qog‘oz shaklda bajarsa boʻladi

​Ma’lumot to‘plash shakli quyidagilarga ega bo‘lishi kerak:
• mos sarlavha (masalan, maʼlumotlarni toʻplash shakli nima haqida maʼlumot toʻplaydi);
• kiritiladigan har bir ma’lumotning nomi;
• javoblar uchun yetarli joy;
• tanlovlar cheklangan bo‘lsa, barcha ehtimoliy variantlar

​Ma’lumotlarni toʻplash shaklini tuzish quyidagicha amalga oshiriladi:

​1. Microsoft Word dasturida yangi hujjat ochiladi.
2. Hujjat “Kitob shakli” kabi mos nom bilan saqlanadi
3. Sahifaning yuqori qismiga sarlavha qo‘yiladi. Formatni o‘zgartirish, masalan, qalin shriftda markazda tekislangan holda joylashtirish mumkin. Mos formatlash tanlanganiga ishonch hosil qilish kerak. Hujjatning rang-barangligi emas, balki mazmuni muhim ekanini yodda tutish kerak.
Masalan: Kitob uchun ma’lumotlarni toʻplash shakli
4. Agar bu shakl boshqalar tomonidan to‘ldirilsa, nima qilish kerakligini aytib berish uchun (qisqacha) annotatsiya yoziladi. Masalan: Iltimos, ushbu formani kitoblaringizdan biri uchun to‘ldiring. Ajratilgan bo‘sh joylarga so‘ralgan ma’lumotlarni yozing.
5. Birinchi maydon nomi yoziladi. Uning yoniga javob yozish uchun bo‘sh joy qoldiriladi. Bu kvadrat yoki nuqtalar ko‘rinishida bo‘lishi mumkin. Masalan, Kitob nomi: yoki Kitob nomi: …………………………………………………………………………………
6. Ikkinchi maydon keyingi qatorga yoziladi (husnixati yiriklar uchun qo‘shimcha bo‘sh joy qoldiriladi). 7. Barcha maydonlar shu tarzda shakllantiriladi.

​Kitoblar
Quyidagi shaklni kitoblaringizdan biriga oid ma‘lumotlar bilan to‘ldiring.

​Kitob nomi................................................................................................................................................. Muallif: .......................................................................................................................................................
ISBN: ...... ...... ...... ...... ...... ...... ...... ...... ...... ...... ...... ...... ......
Janr (tagiga chizing): Drama / Triller / Detektiv / Jangari / Hajviya / Boshqa
Narxi (so‘mda)..... ...... ...... . ..... ......
Nashr qilingan vaqt: ..... ...... / ..... ...... / ..... .....