Serat Wulang Reh pupuh Durma

Serat Wulang Reh kuwe apa?

Serat Wulang Reh kuwe seni karya sastra sing wujude tembang utawi kekidungan jawa.
Serat wulangreh anggitane Sri Pakubuwono IV iki nggunakake basa kang gampang ditampa. Gampang dijukut piwulange. Serat Wulangreh nduweni 13 pupuh ing antarane yaiku dhandanggula, kinanthi, gambuh, pangkur, maskumambang, dudukwuluh, durma, wirangrong, pocung, mijil, asmaradana, sinom, lan girisa.

Sing dirembag nang piwulangan kiye pupuh Durma. Pupuh Durma dumadi sekang 12 pada/bait. Isine pupuh Durma yaiku carane ngendhaleni hawa nepsu, yaiku dadi wong aja gumedhe/angkuh, aja seneng nyacad utawa maido, lan nyalah-nyalahna/ngritik maring wong liya. Isine tembang kiye wujude piwulang sing jumbuh karo nilai-nilai karakter bangsa. Pupuh Durma wujude tembang. Saben pada tembang, isi piwulang luhur sing migunani kanggo para siswa, guru, lan sing gelem maca.

​Dipunsami ambanting ing badanira,

Nyudha dhahar lan guling,

Darapon sudaa,

Nepsu kang ngambra-ambra,

Rerema ing tyasireki,

Dadya sabarang,

Karyanira lestari.