Edukasyon sa Pagpapakatao Module 4 (Day 2)

Ang mga batang tulad mo ay mayroong iba-ibang karapatan. Ito ay ibinibigay sa iyo ng iyong mga magulang at iba pang mga tao sa komunidad. Nasa ibaba ang ilan sa mga ito.

1. Maisilang at magkaroon ng pangalan

2. Magkaroon ng tahanan at pamilya

3. Tumira sa tahimik na lugar

4. Magkaroon ng pagkain at malusog na katawan

5. Makapag-aral

6. Mapaunlad ang talento

7. Makapaglaro at makapaglibang

8. Maprotektahan sa pang-aabuso, panganib at karahasan

9. Maipagtanggol at matulungan ng pamahalaan

10. Masabi ang nasa isip at damdamin

Dapat pasalamatan ang mga taong nagbibigay at tumutulong upang makamit ang karapatan. Maipapakita ang pasasalamat kung ang bata ay sumusunod sa payo ng mga nakatatanda, nag-aaral nang mabuti, pinag-iingatan ang sarili at ginagamit nang wasto ang mga bagay sa kanyang paligid.

Nasa kanan ang ilan sa mga karapatang natatanggap mo. Pumili ng isang larawan. Kulayan ito. Isulat sa patlang ang iyong pasasalamat para sa karapatang natatanggap mo.

Sa kuwentong ating binasa. Ano ang mga karapatang ibinibigay ng kaniyang ina at paano ito ipinagpasalamat ni Bella? Isulat sa loob ng puso ang iyong sagot.