7-klass 8-sabaq

​Audio maǵlıwmatlardı tiykarın dawıs quraydı. Dawıslı informaciyalarǵa esitiw organları arqalı qabıl etiletuǵın informaciyalardı, mısalı, muzıka, qus sayrawı, avtomobiller shawqımı hám taǵı basqalardı mısal keltiriw múmkin. Háreketler, suwretler izbe-izligin dawıslı informaciyalar menen birgelikte saqlanıwına videofayllar retinde qaraladı.

Zamanagóy kompyuterler dawıslı informaciyalardı kirgiziw hám shıǵarıwdı támiyinleytuǵın dawıs kartası menen úskenelestirilgen. Dawıs bolsa analog informaciya esaplanadı. Analog informaciyanı analog signal retinde kompyuterge kirgiziw ushın mikrofon apparatınan paydalanıladı.

​Dawıslı informaciyalardı saqlaw ushın WAv, AIFF, APE, FLAC, MP3, OGG hám basqa kórinistegi audiofayl formatları bar. Dawıslı informaciyanıń chastotası jáne onıń kodı uzınlıǵı joqarı bolsa, dawıs sonshalıq sapalı boladı. Lekin bul shamalar úlken bolsa, fayl kólemi de sonshalıq úlken boladı.

​Videofayllar hám basqa informaciya formaları sıyaqlı kompyuter yadında ekilik sanaq sistemasında kodlanadı hám bólek fayl retinde saqlanadı. videofayllardagi video hám audionı bólek ajıratıp alıw, videofayl formatın ózgertiw múmkin.

​Videofayllardı kodlaw audiofayllardı kodlawdan derlik parq etpeydi. Videodaǵı kadrlar málim chastotalarda bólek suwretler retinde qaraladı.

​Videofayllar kompyuter yadında AvI, WMv, MP4 sıyaqlı videofayl formatlarında saqlanadı.

​AvI-Túrli kodlaw usılların qollaǵan halda saqlanǵan audio hám videofayllardı bólek qısıw formatı.

WMv- Microsoft kompaniyası ónimlerinde qollanılıwshı videofayllardı kodlaw formatı.​

Videofayllardı kompyuter yadında ańlatıwda hár bir kadr bólek suwret retinde qaraladı. Sol sebepli videofayl kólemi úlken orındı iyeleydi. videonıń kólemin kemeytiw ushın videofayl kólemin qısıwdıń túrli usıllarınan paydalanıladı.​

​MPEG-1Moving Picture Experts Group Kompakt disklar ushın qısıw formatı.

MPEG-2 Cifrlı televidenie hám DvD-disklardı qısıw formatı.

MPEG-4 Cifrlı televidenie hám DvD-disklardı sapalı qısıw formatı.

HD Joqarı múmkinshilikli hám sapalı qısıw formatı.

​Úyge tapsırma:

1. Audio fayl kompyuter yadında qanday saqlanadı?

2. Audio fayllardıń qanday túrlerin bilesiz?

3. Video fayllarǵa mısallar keltiriń.