ཟུར་ཆོས་སློབ་སྟོན།

​

​​ ༼ ཕྲད་གཞན་དབང་ཅན་གྱི་གོ་དོན།༽

​

ཕྲད་གཞན་དབང་ཅན་ཟེར་མི་འདི་ ཕྲད་དེ་ཚུ་ ལག་ལེན་འཐབ་ད་ རྗེས་འཇུག་དང་འཁྲིལ་དགོ་ནི་དེ་གིས་ ཕྲད་གཞན་དབང་ཅན་ཟེར་སླབ་ཨིན།​

​

​

​ ༼ཕྲད་གཞན་དབང་ཅན་གྱི་རྣམ་གྲངས།༽

​

༡་ རྗེས་འཇུག་ལུ་ ལྟོས་དགོ་པའི་ཕྲད།​

༢་ རྗེས་འཇུག་ལུ་​ རེ་དགོ་པའི་ཕྲད།

༣་ ​རྗེས་འཇུག་དང་ འཁྲིལ་དགོ་པའི་ཕྲད།

​

​ ༼ཕྲད་ གཞན་དབང་ཅན་གྱི་དབྱེ་བ།༽

​

༡་ སླར་བསྡུ། ༢་ ལ་དོན།​ ༣་ ཨི་ལྡན།

​

༤་ རྒྱན་སྡུད། ༥་ ལྷག་བཅས། ༦་ འབྱེད་སྡུད།

​

༼སླར་བསྡུའི་གོ་དོན།༽

​

​སླར་བསྡུ་ཟེར་མི་འདི་ རྗོད་ཚིག་གཅིག་གི་ སྐབས་ཐོག་​གི་ བརྗོད་དོན་ཚར་རེ་ མཇུག་བསྡུ་བའི་དོན་སྟོན་མི་གི་ཕྲད་ལུ་སླབ་ཨིན།

​ ༼སླར་བསྡུའི་རྣམ་གྲངས༽

​​

༡་ རྫོགས་ཚིག། ༢་ ཟླ་སྡུད།​

༼རྫོང་ཁའི་སླར་བསྡུའི་ཕྲད་ངོས་འཛིན༽

​གོ་དོ་ནོ་འོ་ལོ་སོ​་དྲུག། རྫོང་ཁའི་སླར་བསྡུའི་ཕྲད་ཨིན་ཏེ།།

ཅི་ཆི་ཡི་དང་འདུག་ནུག་དང་། །པས་མས་དོ་དེས་ལ་སོགས་པའི།།

རྗེས་སུ་གོ་འཐོབ་ན་མཐར་ནོ། །ད་དོ་ན་ནོ་ས་མཐར་འོ། །མཐའ་མེད་རྗེས་སུ་འོ་ཉིད་སྦྱར། །ས་མཐར་སོ་དང་ལ་མཐར་ལོ།།

​

​

​

​ སླར་བསྡུའི་ཕྲད་ ༼ གོ ༽ རྗེས་འཇུག་གི་མཐའ་མར་འཐོབ་ལམ།

​ཅི་ཆི་ཡི་དང་འདུག་ནུག་དང་། །པས་མས་དོ་དེས་ལ་སོགས་པའི། ། རྗེས་སུ་གོ་འཐོབ། ​ ༼དཔེར་བརྗོད༽

༡་ སླབ་ཅི་གོ། ༢་ དྲན་ཆི་གོ། ༣་ འགྱོ་ཡི་གོ།

༤་ མིན་འདུག་གོ། ༥་ ​འབད་ནུག་གོ།

​༦་ ​བདེན་པས་གོ། ༧་ ཨིན་མས་གོ།

༨་ འབད་དོ་གོ། ༩་ ས་རྐོ་དེས་གོ།

​

​ སླར་བསྡུའི་ཕྲད་ ༼ ནོ ༽ རྗེས་འཇུག་ནའི་མཐའ་མར་འཐོབ་ཨིན།

​

དཔེར་ན། བླམ་ངག་དབང་རྣམ་རྒྱལ་མཁྱེན་ནོ།​

​

སླར་བསྡུའི་ཕྲད་ ༼ དོ ༽ རྗེས་འཇུག་དའི་མཐའ་མར་འཐོབ་ཨིན།

​

​དཔེར་ན། ང་ལུ་བུ་ལོན་མེད་དོ།

​

​སླར་བསྡུའི་ཕྲད་ ༼ ལོ ༽ རྗེས་འཇུག་ལའི་མཐའ་མར་འཐོབ་ཨིན།

​

དཔེ་གཅིག་ཞུ་བ་ཅིན། དྲན་མེད་བརྒྱལ་ལོ།

ལྷ་རྒྱལ་ལོ། ​

​

​ སླར་བསྡུའི་ཕྲད་ ༼ སོ ༽ རྗེས་འཇུག་སའི་མཐའ་མར་འཐོབ་ཨིན།

​

དཔེ་འབད་བ་ཅིན། ཆོས་རྒྱུགས་རྫོགས་སོ།​

​

​

​སླར་བསྡུའི་ཕྲད་ ༼ འོ ༽ རྗེས་འཇུག་ས་དང་མཐའ་མེད་ལུ་འཐོབ་ཨིན།

​ དཔེར་ན།

སའི་མཐའ་མར། ༼ འོ ༽ འགྱོཝ་མས་འོ།​

མཐའ་མེད་ཀྱི་ཤུལ་མར། ༼ འོ ༽​ སྡོད་ཅི་འོ།

​

​

​འོག་གི་ཀུན་གསལ་འདི་ ལེགས་ཤོམ་སྦེ་ ལྷག་ཞིནམ་ལས་ དྲི་བ་དང་པ་ཅིག་བཀོད་ཡོད་མི་ཚུ་གི་ལན་བྲིས།

​

​ཀུན་གསལ་འཐོབ་ནིའི་དོན་ལུ་ འདི་ནང་ཨེབ་གནང་།

​རྫོང་ཁའི་ནང་ ཡོངས་གྲགས་འབད་ ལག་ལེན་འཐབ་སྲོལ་ཡོད་པའི་སླར་བསྡུའི་ཕྲད།

​གོ་དོ་ནོ་ལོ། ​

​

​

​

​

​