Кеңестік білім беру жүйесінің жетістіктері мен қайшылықтары

By Sanat Sandybay

​1.Білу мен түсіну. «Сауатсыздықты жою», «қызыл отау», «мұғалімдер институты», «мектептегі білім беру», «кәсіби білім беру», «жоғары оқу орындары» ұғымдарының кемінде 3-іне түсініктеме бере алады.

2. Қолдану. Білім саласындағы реформалардың кем дегенде 3, олардың мазмұнын кестеге түсіре алады.

3.Бағалау. Кеңестік білім жүйесінің  негізгі 3 жетістігі мен 3 кемшілігін көрсете алады.

​Бағалау  критерийі:

​ -Кеңестік білім беру жүйесінің даму ерекшеліктерін анықтау үшін «сауатсыздықты жою», «қызыл отау», «мұғалімдер институты», «мектептегі білім беру», «кәсіби білім беру», «жоғары оқу орындары» ұғымдарын пайдалану;

-Қазақстандағы кеңестік білім беру жүйесін реформалауды талдау, жетістіктері мен қайшылықтарын анықтау

​Осы сабақ арқылы жүзеге асырылатын оқу мақсаттары:

​Ұсынылған төрт деректі пайдаланып кестені толтырыңыз.​

А дерегі​

Республикада халық ағарту ісін одан әрі жақсарту мақсатымен Қазақстан К(б)П Орталық Комитетінің Пленумы қаулы етеді:

а) мектеп жасындағы барлық балалар оқуға келетін болсын, олардың мектептен кетіп қалуына жол берілмесін.

в)мектептер жанына қоғамдық интернаттар ұйымдастыру, жалпыға бірдей оқу қорын жасау, мектеп оқушылары киіммен, аяқ киіммен уақытында қамтамасыз етілсін.

г) қазақ қыздары мектептерге толық тартылсын, олар жетіжылдық орта мектептерді бітіргенге дейін оқитын болсын.

(Дереккөзі: «Социалистік Қазақстан» газеті, 1950, шілденің 13-і)​

​Ұсынылған төрт деректі пайдаланып кестені толтырыңыз.

​В дерегі

1984  жылғы білім реформасы 1958 жылғы білім реформасына қайта оралу болды. Себебі, жалпы білім беретін мектептерді кәсібилендіру бағыты жалғастырылды. Жастарды еңбекке тәрбиелеуде реформа мынандай мақсаттар қойды:  еңбекке тәрбиелеу үдерісін жақсарту, оқудың политехникалық, тәжірибелік бағытын күшейту, кәсіби- техникалық оқытуда маман кадрларды дайындау ісін кеңейту, жастарды кәсіби мамандықтарға дайындауға көшу.

Федорова А.М. Реформа 1984 года. попытка профессионализации общеобразовательной школы // Научное сообщество студентов XXI столетия. общественные науки: сб. ст. по мат. XXVI междунар. студ. науч.-практ. конф. № 11(25). 19.11.2019

​

​Ұсынылған төрт деректі пайдаланып кестені толтырыңыз.

​

​С дерегі

КСРО министрлер Кеңесінің  Қаулысы   6 маусым 1956 ж.

КСРО министрлер Кеңесі қаулы етеді:

Елдегі жаппай орта білім беру және жастардың жоғары білім алуына қолайлы жағдай жасау мақсатымен 1956 жылдың 1 қыркүйек күнінен бастап арнаулы жоғары мектептер мен КСРО-ның жоғары оқу орындарында оқуға ақы төлеуді алып тасталсын.

​

​Ұсынылған төрт деректі пайдаланып кестені толтырыңыз.

​D дерегі

«Мектептің өмірмен байланысын нығайту және халыққа білім беру жүйесін одан әрі дамыту» туралы заң      

Кеңестік Социалистік Республикалар Одағы 

I тарау. Орта мектеп  туралы

1-бап. Кеңестік мектептің басты мақсаты - оқушыларды өмірге, қоғамдық пайдалы еңбекке дайындау, жалпы және политехникалық білім беруді дамыту.; 2-бап. КСРО-да жалпыға міндетті жетіжылдық білім берудің орнына  сегізжылдықты енгізу. Сегізжылдық мектеп толық емес орта білімдік еңбек политехникалық мектебі болып табылады.  

4-бап. Орта білім беретін негізгі білім беру орындары: а) сегізжылдық мектептен кейін халық шаруашылығы саласында жұмыс істеп, орта білім алатын жұмысшы және ауыл жастарының мектебі – кешкі орта білім беру мектептері. Оқу мерзімі 3 жыл деп белгіленсін.; б) орта жалпы білім беретін политехникалық 3-жылдық мектептер.; в) техникумдар және басқа арнайы орта білім беру орындары.; 5-бап. .....мектеп-интернат жүйесін, ұзартылған күн топтарының санын көбейту.; 6-бап.  .... мектептердің материалдық базасын нығайту, көпауысымды оқуды жою, өндірістік білім беруді ұйымдастыру,  жоғары сынып оқушыларына кәсіптік білім беру және өндірісте тәжірибе алуды ұйымдастыру.   

II тарау. Кәсіби-техникалық білім беру туралы  

13-бап. Сегізжылдық мектептен кейін өндірісте еңбек еткендерге қалалық және ауылдық кәсіби-техникалық училищелер ұйымдастыру.  

III тарау. Орта білім беру туралы

 22-бап. Орта арнайы білім беру орындарында мамандарды дайындау сегізжылдық мектептен кейін, жекелеген мамандықтар бойынша орта білімге негізделу керек.

http://www.libussr.ru/doc_ussr/usr_5337.htm

​

​