​​

Պոչը փռած հատակին,

Չալ ալքլորը շալակին

Պար է գալիս աղվեսը....

Սկսվում է կրկեսը:

Արջն է գալիս մոխրագույն՝

Փոքրիկ տաշտակը ձեռքին,

Լողացնում է տաշտակում

Իր կարգապահ ձագուկին:

Մի շնիկ է թռչկոտում՝

Վագրին դարձրած վազող ձի,

Կապիկն ընկույզ է ջարդում՝

Նստած հսկա առյուծին....

Գալիս է և կենգուրուն

Երեք ձագուկ տոպրակում,

Ձագուկները դուրս թռչում, Ցատկոտում են ու պարում....      

(ըստ Ս. Մուրադյանի)​

​

Արեգակը տիեզերական մարմին է: Այն գազերից կազմված չափազանց մեծ աստղ է: Արեգակի շուրջը պտտվում են մոլորակները, այդ թվում՝ Երկիրը: Արեգակը մի քանի անգամ մեծ է Երկրից և գտնվում է նրանից շատ հեռու: Առանց Արեգակի ջերմության ու լույսի՝ կյանքը Երկրի վրա անհնարին կլիներ:Արեգակից հետո երկնքում ամենապայծառ մարմինը Լուսինն է, չնայած նրա մակերևույթը շատ մուգ է: Նա պարզապես անդրադարձնում է Արեգակի լույսը և այդպես գիշերը լուսավորում է Երկիրը: Լուսինը Երկրի բնական արբանյակն է և պտտվում է նրա շուրջը: Լուսինն ավելի փոքր է, քան Երկիրը: Երկնքում Լուսինը նույն չափի է երևում ինչ Արևը, բայց այդպես միայն երևում է:

Առյուծ և մարդ

Մի զորավոր առյուծ նստել էր ճանապարհին, իսկ նրա կողքով զարհուրած փախչում էին տարբեր գազաններ: Երբ առյուծը հարցրեց, թե ում ահից են փախչում, գազանները պատասխանեցին:- Փախի՛ր և դու, որովհետև գալիս է մարդը: Կգա, կտեսնի քեզ և վայ կլինի քեզ:Եվ ահա հանդից եկավ մի հողագործ մարդ: Առյուծն ասաց.- Մի՞թե դու ես այն մարդը, որ փախցնում է գազաններին:- Այո՛, ես եմ:Առյուծն առաջարկեց կռվել:

Մարդն ասաց.- Այո՛, բայց քո զենքերը քեզ հետ են, իսկ իմը տանն են: Եկ քեզ կապեմ, որ չփախչես, մինչև զենքերս բերեմ, որ կռվենք:Առյուծն ասաց.- Երդվի՛ր, որ կգաս, և ես կլսեմ քեզ:Մարդը երդվեց, և առյուծն ասաց.- Հիմա կապի՛ր ինձ և գնա՛, շուտ վերադարձիր:Մարդը առյուծին պինդ կապեց ծառին, ծառից մի հաստ ճյուղ կտրեց ու սկսեց զարկել առյուծին:Եվ առյուծը գոչեց.- Եթե դու մարդ ես, ավելի խիստ ու անխնա զարկի՛ր իմ կողերին, որովհետև այս խելքին այդպես է վայել:

​

Վագրը կատուների ընտանիքին պատկանող գիշատիչ է: Վագրի մորթը կարմրավուն է, ծածկված է բծերով: Սնվում է հիմնականում սմբակավորներով: Միայնակ որսի է դուրս գալիս գիշերով և որսի վրա գաղտնաբար հարձակվում է թաքստոցից. կամացուկ մոտենում է նրան հետևից և մոտ տարածությունից մի քանի հսկա ցատկով բռնում զոհի կոկորդից: Վագրը կարող է հարձակվել ավելի փոքր գիշատիչների վրա՝ հնարավոր մրցակիցներց ազատվելու համար, շատ քաղցած ժամանակ կարող է նաև ուտել միսը: Վագրի ցեղակից առյուծի մորթը դեղնավուն է և միագույն: Արու առյուծը փարթամ բաշ ունի: Սնվում է սմբակավոր խոշոր կաթնասուններով. փոքր կաթնասուններ (կապիկներ, նապաստակներ) չի որսում: Կարող է սպանել նաև իր գիշատիչ հակառակորդներին, սակայն հազվադեպ է դրանց միսն ուտում: Խմբով որսի է դուրս գալիս մութն ընկնելուց հետո՝ հաճախ հարձակվելով կենդանիների հոտերի վրա: Էգ առյուծները շրջապատում են հոտը, իրարանցում առաջ բերում, այնուհետև ամենաթույլին հետապնդելով մոտեցնում այն տեղին, որտեղ սպասում են ցեղակիցները, և խեղդում են նրան:

Մարզումները բարձրացնում են մարդու տրամադրությունը, օգնում են նրա մտքի աշխատանքին: Մարզվելիս արյունը հոսում է դեպի ուղեղը: Իսկ դա լավացնում է հիշողությունը, մարդն սկսում է ավելի արագ սովորել: Մարզվելիս բարձրանում է նաև մարդու մարմնի ջերմաստիճանը: Այդ ժամանակ արյան անոթները լայնանում են, արյան հոսքը մեծանում է, արյունը մկաններից հեռացնում է առաջացած թունավոր նյութերը, և մկանները հանգստանում են, ավելի առաձգական դառնում։

​

Ոզնիներն ապրում են ջրից

հեռու և խուսափում են նույնիսկ անձրևից: 

Գտի՛ր այն փաստը, որով կարելի է հիմնավորել, թե ինչո՛ւ են ոզնիները խուսափում ջրից: Գրի՛ր այդ նախադասությունը նշող թիվը:

​

1. Բանանի հայրենիքը Հնդկաստանն է: 2. Պտուղներն աճում են ողկույզներով: 3. Ողկույզն ունի 2 մետր երկարություն, որի վրա հասունանում են իրար կպած 100−200 պտուղ: 4. Բանանը բոլորի կողմից անչափ սիրված միրգ է: 5. Այն սննդարար շատ նյութեր է պարունակում: 6. Նրա պտուղներից պատրաստում են հյութ, չիր, ալյուր և այլն:

​

1․ Աղավնին նստակյաց թռչուն է, ունի փոքրիկ գլխիկ և կարճ, բայց ամուր ոտքեր: 2․ Նա և՛ գերազանց թռչում է, և՛ լավ քայլում գետնին: 3․ Աղավնիները սնվում են հացազգիների հատիկներով: 4․ Աղավնիները հավատարիմ թռչուններ են, շատ լավ հոգ են տանում իրենց ձագուկների մասին:

Երկիրը Արեգակնային համակարգի մոլորակներից է: Այն պտտվում է Արեգակի և սեփական առանցքի շուրջը: Արեգակի շուրջը մեկ լրիվ պտույտը կոչվում է տարի, իսկ առանցքի շուրջը Երկրի պտույտը՝ մեկ օր: Երկիր մոլորակը մի քանի շերտ ունի՝ երկրակեղև, ջրոլորտ, մթնոլորտ:

​