Jenise Ukara ana 3 : Ukara Andharan, Ukara, Pitakon lan Ukara Pakon.

Apa iku ukara andharan

Ukara Andharan yaiku ukara kang isine menehi weruh marang wong kang diajak guneman utawa wong kang maca. Ukara andharan panulise ditutup nganggo titik (.)

Tuladha :

• Wingi Bu Guru ora rawuh jalaran tindak menyang Surabaya.​

• Dina iki murid-murid lagi ulangan basa Jawa.​

Apa Ukara pitakon kuwi

Ukara Pitakon yaiku ukara kang isine nyuwun katrangan marang wong kang diajak guneman utawa wong kang maca. Ukara Pitakon panulise ditutup nganggo tandha pitakon (?).

Tuladha :

• Sapa sing tindak menyang Surabaya?

• Pira regane buku salusin?​

Apa Ukara pakon kuwi ?

Ukara Pakon yaiku ukara kang isine mrentah marang wong sing diajak guneman utawa wong sing maca. Pungkasane ukara pakon nganggo tandha pakon (!).

Tuladha :

• Le, garapen soal-soal ulangan iki !

• Dhuwit iki aturna Bu Dharti ya !​