Noli Me Tangere Kabanata 12 at 13

Isinalaysay ang kaganapan sa sementeryo tuwing araw ng mga patay. Sa kabilang dako, may mga tagapaglibing na nag-uusap. Habang naghuhukay sila ng bangkay, nabanggit ng isa na noong nakaraan daw ay may hinukay siyang bangkay dahil pinag-utos ito ng isang kurang malaki.

​Hinanap ni Ibarra ang puntod ng kaniyang ama sa sementeryo upang bigyan ng galang. Gayunpaman, bigo siyang makita ang puntod ng kaniyang ama. Galit niyang hinanap ito sa tagapaglibing. Sinabi nito na matagal na itong pinahukay ng kurang malaki at noon sana ay dadalhin sa libingan ng mga intsik. Umuulan ng gabing iyon kung kaya naman napagdesisyonan ng naghukay na ipaanod na lamang sa ilog kaysa ilibing sa libingan ng mga intsik. Nanghihina at galit na umalis si Ibarra sa sementeryo. Nakita niya si Padre Salvi at agad na sinugod. Itinanggi ng Pari ang paratang at sinabing baka si Padre Damaso ang may salarin.