Shmuel Aleph Perek 11

​א וַיַּעַל נָחָשׁ הָֽעַמּוֹנִי וַיִּחַן עַל־יָבֵישׁ גִּלְעָד וַיֹּאמְרוּ כָּל־אַנְשֵׁי יָבֵישׁ אֶל־נָחָשׁ כְּרָת־לָנוּ בְרִית וְנַֽעַבְדֶֽךָּ

וַיֹּאמֶר אֲלֵיהֶם נָחָשׁ הָֽעַמּוֹנִי בְּזֹאת אֶכְרֹת לָכֶם בִּנְקוֹר לָכֶם כָּל־עֵין יָמִין וְשַׂמְתִּיהָ חֶרְפָּה עַל־כָּל־יִשְׂרָאֵֽל​

​וַיֹּֽאמְרוּ אֵלָיו זִקְנֵי יָבֵישׁ הֶרֶף לָנוּ שִׁבְעַת יָמִים וְנִשְׁלְחָה מַלְאָכִים בְּכֹל גְּבוּל יִשְׂרָאֵל וְאִם־אֵין מוֹשִׁיעַ אֹתָנוּ וְיָצָאנוּ אֵלֶֽיךָ

​וַיָּבֹאוּ הַמַּלְאָכִים גִּבְעַת שָׁאוּל וַיְדַבְּרוּ הַדְּבָרִים בְּאָזְנֵי הָעָם וַיִּשְׂאוּ כָל־הָעָם אֶת־קוֹלָם וַיִּבְכּֽוּ

​וְהִנֵּה שָׁאוּל בָּא אַֽחֲרֵי הַבָּקָר מִן־הַשָּׂדֶה וַיֹּאמֶר שָׁאוּל מַה־לָּעָם כִּי יִבְכּוּ וַיְסַפְּרוּ־לוֹ אֶת־דִּבְרֵי אַנְשֵׁי יָבֵֽישׁ

• ​Why is Shaul coming from the field? Isn't he the king?

  • ​Radak says Shaul was not acting as king and he returned to his old work.

  • ​Rashi says that Shaul was not coming from working in the field and the Pasuk is only telling us that Shaul arrived at the same time as the oxen were being brought in from the field.

​וַתִּצְלַח רֽוּחַ־אֱלֹהִים עַל־שָׁאוּל בְּשָׁמְעוֹ [כְּשָׁמְעוֹ]

אֶת־הַדְּבָרִים הָאֵלֶּה וַיִּחַר אַפּוֹ מְאֹֽד

​And the spirit of Hashem passed over Shaul when he heard these things and he became very angry.

וַיִּקַּח צֶמֶד בָּקָר וַֽיְנַתְּחֵהוּ וַיְשַׁלַּח בְּכָל־גְּבוּל יִשְׂרָאֵל בְּיַד הַמַּלְאָכִים ׀ לֵאמֹר אֲשֶׁר אֵינֶנּוּ יֹצֵא אַֽחֲרֵי שָׁאוּל וְאַחַר שְׁמוּאֵל כֹּה יֵֽעָשֶׂה לִבְקָרוֹ וַיִּפֹּל פַּֽחַד־יְהֹוָה עַל־הָעָם וַיֵּֽצְאוּ כְּאִישׁ אֶחָֽד​

He took a pair of oxen and cut them into pieces, which he sent with the messengers throughout the Land of Israel, saying, "Whoever does not go out after Saul and Samuel [to battle], so shall be done to his oxen." A dread of HASHEM fell upon the people and they went forth as one man.

​

Answer:

He wanted to ensure that those who had not yet accepted him as king would still feel obligated to join the fight. ​

וַֽיִּפְקְדֵם בְּבָזֶק וַיִּֽהְיוּ בְנֵֽי־יִשְׂרָאֵל שְׁלשׁ מֵאוֹת אֶלֶף וְאִישׁ יְהוּדָה שְׁלשִׁים אָֽלֶף​

וַיֹּֽאמְרוּ לַמַּלְאָכִים הַבָּאִים כֹּה תֹֽאמְרוּן לְאִישׁ יָבֵישׁ גִּלְעָד מָחָר תִּֽהְיֶה־לָכֶם תְּשׁוּעָה בְּחֹם [כְּחֹם] הַשָּׁמֶשׁ וַיָּבֹאוּ הַמַּלְאָכִים וַיַּגִּידוּ לְאַנְשֵׁי יָבֵישׁ וַיִּשְׂמָֽחוּ​

וַיֹּֽאמְרוּ אַנְשֵׁי יָבֵישׁ מָחָר נֵצֵא אֲלֵיכֶם וַֽעֲשִׂיתֶם לָּנוּ כְּכָל־הַטּוֹב בְּעֵינֵיכֶֽם​

​וַיְהִי מִמָּֽחֳרָת וַיָּשֶׂם שָׁאוּל אֶת־הָעָם שְׁלשָׁה רָאשִׁים וַיָּבֹאוּ בְתֽוֹךְ־הַֽמַּֽחֲנֶה בְּאַשְׁמֹרֶת הַבֹּקֶר וַיַּכּוּ אֶת־עַמּוֹן עַד־חֹם הַיּוֹם וַיְהִי הַנִּשְׁאָרִים וַיָּפֻצוּ וְלֹא נִשְֽׁאֲרוּ־בָם שְׁנַיִם יָֽחַד

וַיֹּאמֶר הָעָם אֶל־שְׁמוּאֵל מִי הָֽאֹמֵר שָׁאוּל יִמְלֹךְ עָלֵינוּ תְּנוּ הָֽאֲנָשִׁים וּנְמִיתֵֽם​

וַיֹּאמֶר שָׁאוּל לֹֽא־יוּמַת אִישׁ בַּיּוֹם הַזֶּה כִּי הַיּוֹם עָשָֽׂה־יְהֹוָה תְּשׁוּעָה בְּיִשְׂרָאֵֽל​

וַיֹּאמֶר שְׁמוּאֵל אֶל־הָעָם לְכוּ וְנֵֽלְכָה הַגִּלְגָּל וּנְחַדֵּשׁ שָׁם הַמְּלוּכָֽה​

וַיֵּלְכוּ כָל־הָעָם הַגִּלְגָּל וַיַּמְלִכוּ שָׁם אֶת־שָׁאוּל לִפְנֵי יְהֹוָה בַּגִּלְגָּל וַיִּזְבְּחוּ־שָׁם זְבָחִים שְׁלָמִים לִפְנֵי יְהֹוָה וַיִּשְׂמַח שָׁם שָׁאוּל וְכָל־אַנְשֵׁי יִשְׂרָאֵל עַד־מְאֹֽד​