Globalisasyon (Pananaw/ Perspektibo)

​

​Ang globalisasyong pang-ekonomiya o pang-ekonomiyang dimensyon ng globalisasyon ay tumutukoy sa pagpapaigting, pagdaragdag, at pagpapalawak ng mga ekonomikong ugnayan sa buong mundo. Ang pagnanasa para sa kapayapaan at seguridad sa kabuhayan ang nagtulak sa paglikha ng pandaigdigang sistemang pang-ekonomiya.

​Ang globalisasyong pampulitika ay ang pagpapalakas at pagpapalawak ng mga ugnayang pampulitika sa buong mundo.

Nakapaloob sa dimensyong pampulitika ng globalisasyon ang mga aspeto tulad ng modernong sistema ng nation-state at ang mahalagang papel nito sa mundo ngayon, mga epekto ng globalisasyon sa soberanya ng estado, at ang papel ng pandaigdigang pamamahala.

Ang Sosyo-Kultural na Dimensyon ng Globalisasyon o ang pangkulturang globalisasyon ay ang pagpapalakas at pagpapalawak ng mga daloy ng kultura sa buong mundo.

​

Halimbawa ng Sosyo-Kultural na Dimensyon ng Globalisasyon ang paglaganap ng ilang mga cuisine tulad ng mga fast food ng Amerika. Ang dalawang pinakamatagumpay na pangdaigdaigang fast food outlet, ang McDonald’s at Starbucks, ay mga kumpanyang Amerikano na may libu-libong sangay sa iba’t ibang panig ng mundo.

​

Ang pangkulturang globalisasyon ay nagaganap sa kasalukuyan sa pamamagitan ng mass media, social media, at iba pang mga aplikasyon ng computer and internet technology, at maging sa anyo ng mga streaming platform kung saan napapanuod ang kultura ng iba’t ibang bansa.

Narito ang bahagi ng paliwanag ni Prof. Jensen DG. Mañebog ukol sa ekolohikal na dimensiyon ng globalisasyon:

“Nakatuon ang ang ekolohikal na dimensiyon ng globalisasyon sa mga epekto ng mga pandaigdigang unyon sa mga isyung pangkapaligiran. Kinikilala ng dimensiyong ito na mayroong hindi maiiwasang ugnayan sa pagitan ng sangkatauhan at ng ating planeta o ng mundo.’

​

“Tumutukoy ang ekolohikal na globalisasyon sa mga pandaigdigang isyung pangkapaligiran na kinabibilangan ng paglaki ng populasyon, akses sa pagkain, pagbaba ng pandaigdigang biodiversity, pagbabago ng klima na dulot ng tao, at pagkasira ng pandaigdigang kapaligiran.’