Ang Paglaganap ng Relihiyong Islam sa PIlipinas

Dahil sa pakikipagkalakalan ng mga sinaunang Pilipino​ sa mga Arabong Muslim noong 1210, ay nakarating sa Pilipinas ang isang mahalagang kontibusyon sa mayamang kultura ng mga Pilipino, Ang Relihiyong Islam. Dumating sa Sulu si Tuan Mashai'ka, ang itinuturing na kauna-unahang nagpakilala ng Islam sa Pilipinas noong 1280. Taong 1380 ay dumating si Karim-Ul-Makdum mula sa Malacca at nangaral ng Islam sa Sulu. Matagumpay na nahikayat ni Rajah Baginda ang ilang katutubo na lumipat sa relihiyong Islam ng dumating siya sa Sulu noong 1390. Taong 1450 nang dumating mula sa Palembang si Abu Bakr ng ipalaganap niya ang Islam sa Sulu.

Pinagkalooban siya ng pangalang Sharif ul-Hashim nang maging kauna-unahang sultan ng itinatag niyang pamahalaang batay sa Sulatano ng Arabia. Sa panahon niya ay mabilis na lumaganap ang Islam sa Sulu. Mula sa Mindanao ay mabilis na lumaganap ang Islam sa Luzon at Visayas. Gayunpaman, mabilis ding natuldukan ang paglaganap na ito pagdating ng mga Espanyol. Nagtungo ang mga Pilipinong Muslim sa katimugang bahagi ng Pilipinas upang mapanatili ang kanilang pagsasarili kaya patuloy pa ring pangunahing paniniwala ang relihiyong Islam sa rehiyon ng Mindanao.