Sesorah

​

​Sesorah yaiku micara gagasan utawa panemu sarana lisan ana ngarepe wong akeh. Sesorah ana ing Bahasa Indonesia jenenge pidato. Sesorah iku katindhaake ana ing acara formal.Sesorah katindakake wong jawa.utamane menawa ana upacara adat.Upacara adat kang butuhake acara sesorah yaiku :

a.Upacara mantenan jangkep.

b.Sunatan ( Supitan )

c.upacara sedekah gunung, lan sapanunggalane.

​

1. Sesorah lan medhar sabda : sipate umum tumrape maca ing ngarepe wong akeh.

2. Ular-ular/ wasita adi : ababagan keutaman, pitutur becik, lan sapanunggalane.

3. Pambagyaharja : kanggo nampa tamu.

4. Tanggap sabda : kanggo nanggepi ature pambagyaharja.

5. Khotbhah : babagan agama.

Tujuane Sesorah 

​

1. Atur Pambagya : Sesorah kanggo nampa rawuhe para tamu kang ana ing acara.

2. Atur Kabar/Pawarta : Sesorah kanggo ngaturake kabar kang arupa palapuran utawa nyritkake sawijining bab marang pamiarsa.

3. Atur Lelipur (Hiburan) : Sesorah kanggo aweh panglipur kanti ancas supaya sing mirengake bisa seneng penggalihe.

4. Ngengajak : Sesorah kang sipate ajak-ajak supaya sing ngrungokake percaya banjur kepencut lan melu nglakoni apa kang diwedharake ing sesorah.

Urut-Urutane Sesorah 

​

1. Salam Pambuka : Uluk salam miturut agama kang dianut.

2. Purwaka : Ngemot atur pakurmatan, ngonjukake puji syukur marang Gusti, atur panuwun marang tamu.

3. Surasa basa (isi) : Wose sesorah, bisa tanggap wacana bisa pambagyaharja, uga bisa sesorah liyane. Isine underan bab kang diwedhrake.

4. Dudutan : Ringkesan isineng sesorah.

5. Pangarep-arep lan pesen : bab-bab kang dipesenake kanthi anane sesorah kang diwedharake.

6. Wasana Basa (Panutup) : Atur panuwun lan nyuwun pangapura tumprap sekabehe kaluputan marang sesorah kang diwedhrake.

7. Salam Panutup : Wujude atur panutup