Wangun Kruna

Kruna Dwi Lingga inggih punika Kruna Lingga sané kakapingkalihang. Wangun ipun kapalih dados 5 soroh minakadi Kruna Dwi Sama Lingga, Kruna Dwi Samatra Lingga, Kruna Dwi Maya Lingga, Kruna Dwi Purwa Lingga, lan Kruna Dwi Wasana Lingga.

Kruna dwi sama lingga inggih punika kruna lingga sané kakapingkalihang tur nyihnayang langkungan ring asiki. 

​Upami:

• ​Gede-gede

• ​Cenik-cenik

• ​Tua-tua

• ​Bajang-bajang

Kruna dwi samatra lingga Inggih punika Kruna Lingga sané kakapingkalihang nanging silih sinunggil mauah ucapan tur nyihnyang pakaryan mawanti-wanti (berulang ulang).

​Upami:

• ​Kitak-kituk

• Dengak- dengok​

• ​Kecas-kecos

• ​Klatak-kletig

Kruna dwi maya lingga inggih punika Kruna Lingga sané kaucapang apisan nenten madue arti nanging yening sampun kakapingkalihang wau madue arti.

​Upami:

• ​Kapu-kapu

• Kupu-kupu​

• ​Kunang-kunang

• ​Katang-katang

Kruna dwi purwa lingga inggih punika Kruna Lingga sané kecapne ring ajeng kapingkalihang.

​Upami:

• ​Gegae

• Sesate​

• ​Bebanten

• ​Bebaos

Kruna dwi wasana lingga inggih punika Kruna Lingga sané kecapne ring ungkur kakapingkalihang tur satata kadulurin antuk pangater.

​Upami:

• ​Pakateltel

• ​Pakenyitnyit

• ​Pakacoscos

Kruna Kapu-kapu ngaranjing ring kruna dwi lingga?