Jinis ukara kang disinaoni ing sajroning teks asil observasi yaiku, ukara...

• miturut jenis wasesane

• miturut isine

Jinise ukara miturut wasesane.

• Ukara Tanduk (kalimat aktif), ukara iki wasesane yaiku tembung kang oleh ater-ater anuswara (m-, ng-, ny-, n-)

  ===>Tuladha tembung mawa ater-ater anuswara: mangan, mbuwang, nguras, nggambar, nyekel, nylathu, nulis, ndeleng.

  Tuladha ukara tanduk:

  • Adik mangan kates * Aku mbuwang resek

  • Kowe nguras jedhing

• Ukara Tanggap (kalimat pasif), ukara iki wasesane oleh ater-ater tripurusa (dak-, kok-, di-) utawa uga ater-ater ka-

  ===>Tuladha tembung mawa ater-ater tripurusa: dakgawa, daktulis, koksilih, kokcekel, disapu, digambar.

  Tuladha ukara tanggap:

  • Kates dipangan adik. Resek dakbuwang *Jedhing kokkuras

Jinise ukara miturut isine, ing piwulang iki sing bakal disinaoni ana telu yaiku ...

• Ukara Andharan (kalimat berita) yaiku ukara kang isine ngabarake utawa nyritakake kedadean. Ukara iki dipunggkasi nganggo tandha waca ceceg (titik).

• Ukara Pitakon (kalimat tanya), yaiku ukara kang isine pitakon (pertanyaan). Ukara iki dipungkasi nganggo tandha pitakon (?)

• Ukara Pakon (kalimat perintah), yaiku ukara kang isine utawa surasane awujud perintah utawa ajakan marang wong liya. Ukara iki dipungkasi nganggo tandha pakon (!) (tanda seru)