GAMIT NG TUNOG

Ang tunog ay isang anyo ng enerhiya na nalilikha sa pamamagitan ng pag-vibrate na nalilikha sa pag-urong-sulong ng isang bagay.

Ang malakas na vibration ay nakalilikha ng malakas na tunog samantalang ang maikli at mahinang vibrations ay nakalilikha naman ng mahinang tunog.

Subukang ipikit ang iyong mga mata. Ano-anong tunog ang iyong naririnig? Saan-saan ba nagmumula ang tunog?

Sa araling ito, inaasahang mailalarawan mo ang gamit ng mga tunog sa ating pamumuhay. 

PINAGMUMULAN NG TUNOG

Ang tunog ay maaaring magsimula sa pag-iglap (snap) ng daliri, pagpalakpak, pagpadyak, o kahit sa pag-aayos lamang ng iyong mga gamit.

Maari din pagmulan ng tunog ang ating pagsasalita, pagtawa, pag-iyak, pagsipol at pagkanta dahil sa pag-vibrate ng ating vocal cords.

Ang iba’t iba namang instrumentong ang musika ay nakalilikha ng tunog sa pamamagitan ng paghampas gaya ng tambol, paghihip gaya ng torotot at trumpeta, pagkalabit ng string gaya ng gitara at violin, at pagkalog gaya ng maracas at iba pa. 

 Marami ding bagay sa ating paligid ang

pinagmumulan ng tunog gaya ng radio, telebisyon, telepono o cell phones, orasan, bell o kampana, at mga sasakyan.

Maging ang mga hayop ay pinagmumulan din ng iba’t ibang tunog gaya ng huni Ng ibon at tahol ng aso.

GAMIT NG TUNOG

Ang iba’t ibang tunog na ating naririnig ay may iba’t ibang gamit.

Ang mga tunog na nalilikha sa pagsasalita at pagkanta ay ginagamit sa pakikipag-usap o pakikipag-ugnayan.

May mga tunog na nagsisilbing musika. 

Ang tunog ay maaaring gamiting senyales o babala sa panahon ng sakuna gaya ng lindol, sunog, o bagyo.

Ang tunog ng trak ng bumbero ay nagpapahiwatig ng sunog. 

Ang tunog ng ambulansiya ay nagpapahiwatig naman na kailangan itong bigyang-daan dahil nanganganib ang sakay nito.

May mga tunog na nagbibigay ng musika at impormasyon gaya ng mga nagmumula sa radio at telebisyon.

Ang tunog ng kampana ng simbahan ay hudyat na magsisimula na ang misa.

Ang tunog ng alarm clock ay nagbibigay-hudyat na oras na ng paggising.

Ang busina ng mga sasakyan ay nagbibigay-bababala upang maiwasan ang sakuna.

Mahalaga ang mga tunog ngunit ang sobrang malalakas na tunog ay maaari ring makasama.

Gawain sa Pagkatuto Bilang 1:

Lagyan ng / (tsek) ang mga bagay na pinagmumulan ng tunog. 

1. whistle / pito /

2. palakpak

3. gitara

4. tambol

5. agos ng ilog

Gawain sa Pagkatuto Bílang 2 :

Hanapin sa hanay B ang gamit ng tunog sa mga larawan sa hanay A. Isulat ang letra ng tamang sagot sa iyong sagutang papel. 

HANAY A

1. radyo

2. ambulansya

3. mga batang nag-uusap

4. orasan

5. door bell

HANAY B

a. nagbibigay babala na may nakasakay na nasa panganib

b. ginagamit sa pakikipag-ugnayan 

c. nagbibigay-impormasyon at musika 

d. hudyat na may tao sa pintuan o gate 

e. nagbibigay-hudyat ng oras na ng paggising

Gawain sa Pagkatuto Bilang 3:

Ilarawan ang gamit ng tunog sa sumusunod

1. kampana

2. ambulansya

3. cell phone

4. pito

5. kotse

Gawain sa Pagkatuto Bilang 4:

Magbigay ng 3 pangyayaring maaaring maganap kung walang tunog tayong naririnig sa ating kapaligiran.

1.

2.

3.

Gawain sa Pagkatuto Bilang 5:

Batay sa iyong napag-aralan, punan ang mind map at sagutin ang tanong sa ibaba.

Gamit ng Tunog:

1.

2.

3.

Bakit mahalaga ang tunog?

1.

2.