Wastong Gamit ng mga Salita 2

Pahiran mo ng moisturizer ang iyong paa.

Pahiran mo ng aloe vera ang iyong mukha.

Pahiran mo ng wood stain ang iyong proyekto upang lalo pa itong gumanda.

Pahiran mo ng ganitong kulay ng pintura ang aking kwarto. Ito ang disenyo na nais ko.

Kailan ito ginagamit?

kung nais lagyan ng isang bagay ang isa pang bagay

Pahirin mo ang pintura sa itong kamay.

Paano ko kaya papahirin ang dumi sa aking damit?

Pahirin mo nga ang putik sa iyong mukha.

Pahirin mo na agad ang kape bago pa sumuot sa iyong laptop.

Kailan ito ginagamit?

kung may tatanggaling bagay sa isa pang bagay

Iniwan siya ng kanyang magulang nang hindi sinasadya.

Huwag ninyo akong iwan!

Huwag mo akong iwan, anoman ang aking kalagayan.

Iniwan ni Hiro ang pangarap sa Japan upang makasama si Margo.

Ginagamit ang salitang ito kung may hindi isasamang sinoman o anoman sa pag-alis.

Magbigay o mag-iwan ng bagay sa kung sinoman.

Papa, iwanan mo ako ng perang pambili ng project

Marami pang hindi kumain, iwanan mo sila ng pagkain.

Iwanan mo si Tagpi ng matutulugan.

Kailan ginagamit nang wasto ang dalawa?

Winalisan ng mag-aaral ang kaniyang learning area sa bahay.

Walisan mo nang husto ang silid-aralan.

Walisan mo naman ang kuwarto mo. Ang daming walis dito.

Ang salitang walisan ay tumutukoy sa lugar ng paggaganapan ng pagwawalis.

Walisin natin ang ating kalat upang maging masaya ang Inang Kalikasan.

Kalat mo, walisin mo.

Walisin natin ang mga kalat.

Walisin natin ang mga kalat para rin ito sa ating kapakanan.

binibigyang pansin ang pagtanggal o pag-alis sa bagay sa pamamagitan ng walis

Mahalagang malaman ang wastong gamit ng mga salita sapagkat maaaring magbago ang kahulugan ng pahayag kung mali ang gamit nito.

Magdudulot ng kalitohan ang kamalian ito. Maraming salita sa Filipino ang pinagpapalit ang kahulugan at gamit. Halimbawa nito, ang mga natalakay sa aralin, ang pahiran at pahirin, iwan at iwanan, at walisan at walisin.

Bukod pa sa mga natalakay sa araling ito at sa nakalipas na aralin, ano pang pares ng salita ang maidaragdag mo?