ESP WEEK 5 3Q

Karapatan ng isang mamamayan ang mabuhay nang malaya at payapa. Ito ay nasasaad sa ating Konstitusyon. Isang pribilehiyo na kung saan ay may kalayaan tayong gawin ang mga nais natin na hindi lumalabag sa karapatan ng ating kapwa. Gayundin, bawat isa sa atin ay malayang makiisa sa mga gawain na makapagpapanatili ng kapayapaan.

Sa araling ito, iyong malalaman ang mga paraan kung paano maipakikita ang pakikiisa nang may kasiyahan sa mga programa ng pamahalaan na may kaugnayan sa pagpapanatili ng kapayapaan.

Ang pagpapahalaga sa karapatan ng isang tao ay pagpapakita ng paggalang sa karapatan ng bawat indibidwal. Sa pamamagitan nito ay naipapakita natin na ating kinikilala ang kabuuang pagkatao at kahalagahan ng ating kapwa.

Naipapamalas ang paggalang sa karapatang pantao sa pamamagitan ng paggawa natin ng mabuti sa ating kapwa na may kusang-loob at walang hinihintay na kapalit. Sa pamamagitan nito ay naipaparamdam natin sa ating kapwa ang ating pagmamahal, paggalang, at pagpapahalaga sa kanila.

Ang pagrespeto sa kanilang mga buhay ay isa ring pagpapakita ng karapatang pantao. Ang pakikinig sa opinyon o kuro-kuro ng bawat isa ay pagpapakita rin ng paggalang sapagkat tayo ay naninirahan sa demokratikong bansa, Malaya tayong magpahayag ng sarili nating opinyon maging ito man ay taliwas o sang-ayon sa kaisipan ng iba.

Gawain sa Pagkatuto Bilang 1: Basahin at unawain ang bawat pangungusap. Isulat ang TAMA, kung ito ay nagpapakita ng pakikiisa sa mga programa ng pamahalaan upang mapanatili ang kapayapaan at MALI kung hindi.