Quarter 3: AP: Week 5

Ang pamumuno ay isang pambihirang karapatan at mahalagang katungkulan. Ang pinuno ang nangunguna at nangangasiwa sa gawaing itinakda ng isang pangkat, samahan, o kalipunan ng mga tao. 

Ang kaunlaran at katahimikan ng isang komunidad ay nakabatay sa uri ng pinuno. Kinakailangang magpakita siya ng magandang halimbawa na maaring tularan. Matiwasay o masalimuot man ang nangyayari sa komunidad, ito ay nakasalalay sa pamamahala ng isang pinuno.

Ang isang barangay ay pinamumunuan ng kapitan at ng kaniyang mga kagawad. Ang punong tanggapan ng kapitan at ng kaniyang mga kagawad ay ang barangay hall. 

Nakapaloob naman ang barangay sa isang bayan o lungsod. Ang mga namamahala sa bayan o lungsod ay tinatawag na “lokal na pamahalaan”. Ito ay pinamumunuan ng Alkalde o Mayor, Bise-alkalde o Vice-mayor, at mga konsehal. 

Nakikipagtulungan ang mga pinuno ng bawat barangay sa mga pinuno ng local na pamahalaan sa pagtupad ng kanilang tungkulin. Ang punong tanggapan ng mga pinuno ng lokal na pamahalaan ay ang munisipyo o City hall. 

May iba pang namumuno sa komunidad na hindi bahagi ng pamahalaan. Sila ang punong tagapangasiwa ng iba pang mga pook sa komunidad. Ang ilan sa kanila ay ang pinuno ng pook- dalanginan, tulad ng pari, imam, at pastor; punong guro na pinuno ng paaralan; at hepe ng pulis na pinuno ng kapulisan ng komunidad. Sa ating mga tahanan ang namumuno dito ay ang ating ama at ina.

Iba pang namumuno sa komunidad

Piliin ang tamang sagot. Tukuyin kung sinong pinuno ang tinutukoy ng mga pangungusap. 

Piliin ang letra ng tamang sagot.

" Maging magalang at masunurin sa ating mga pinuno bastat ito ay naaayon sa kabutian ng nakakarami".