Oras Ko, Gagamitin Ko ng Wasto!

Kung magpapakatotoo sa sarili sino ka bang talaga?          

 Si Roberto na lakwatsero o si Ben na sa oras ay nagpapahalaga?      

Isa ka bang aral nang aral o mas pipiliin mong tumunganga? 

 Gawi mo ba’y dapat iwasto o bigyan ng paghanga?

Paano masasalamin si Ben sa iyong buhay mag-aaral?         

Ang ibigay ang tuon sa mga aralin sa iyo ba’y natural?     

Sa bawat asignatura o proyekto ikaw ba’y nagpapagal?

Mga gawaing maituturing na bisyo para sa iyo ay sagabal? 

O kaya naman ikaw ay si Roberto na siyang kabaligtaran?                                                        

Na laging abala sa pinagtutuunang mga libangan?

Isang mag-aaral na tila bagot na bagot sa paaralan?

At mas nais ang magbabad sa mga tambayan?  

Napansin mo ba ang epekto ng paggamit sa oras nang wasto?                                             

 Pagpapahalaga sa oras dapat isaisip kahit sino.

Kung ang mabuting pagkakataon ay sinayang mo,

Oras at panahong lumipas di na babalik sa iyo!