• Naisip mo na ba kung bakit ka inaalagaan at pinag-aaral ng iyong nanay at tatay?

​

• Bakit ka nila tinuturuan ng magagandang asal, pinapakain, at binibilhan ng damit at laruan?

​

Maraming bagay na ibinibigay sa iyo ng iyong pamilya dahil ito ay iyong KARAPATAN.  

Ano ang ang Karapatan?

​Karapatan

Ito ang mga pangangailangang dapat tinatamasa ng isang tao upang makapamuhay siya ng maayos.

Tingnan mo ang mga larawan sa ibaba. Ano ang mga nakikita mo? Ang mga ito ba ay nagpapakita ng mga karapatan ng mga bata?  

Ang tawag sa mga bagay na ibinibigay sa bawat bata sa mga larawan sa itaas ay KARAPATAN. Alam mo ba na ang isang batang katulad mo ay may mga karapatan?

Ang mga ito ay ibinibigay sa iyo upang ikaw ay mabuhay ng masaya, malaya, at maayos sa mundo. At dahil ikaw ay mahalaga, marami sa mga karapatang ito ay nararanasan mo na ngayon. 

Bilang bata, ikaw ay binibigyan ng karapatan na kakailanganin mo habang ikaw ay lumalaki. Marami sa mga karapatan mo ay ibinibigay sa iyo ng iyong pamilya. Alam mo ba kung ano-ano ito? 

Gawain sa Pagkatuto Bílang 1:

​

Balikan mo ang mga larawan sa pahina 6. Sa tulong ng iyong magulang o tagagabay, kompletuhin mo ang mga salita sa ibaba. Isulat ang iyong sagot.

Ilan lamang ang mga iyan sa iyong mga karapatan. Masuwerte ka dahil ginagawa ng iyong pamilya ang lahat upang matamasa mo ang iyong mga karapatan. Ikaw ay binibigyan ng pagkakataon na makapag-aral at matuto, mabuhay nang maayos at masaya, umunlad sa maraming bagay, protektahan sa lahat ng bagay na maaaring makasakit sa iyo.  

​

​

Binibigyan ka rin nila ng kalayaan na makapaglaro at magkapaglibang kasama ang iyong mga kaibigan at maipahayag ang iyong saloobin sa magalang at maayos na paraan.  

Pagkilala 

Basahin mo ang mga salita sa kantang “BAWAT BATA” na inawit ng Apo Hiking Society. Ano sa palagay mo ang ibig sabihin ng kanta? 

 “BAWAT BATA”

Nang: Apo Hiking Society

I

Ang bawat bata sa ating mundo

Ay may pangalan may karapatan

Tumatanda ngunit bata pa rin

Ang bawat tao sa ating mundo 

II

Hayaan mong mong maglaro ang bata sa araw Kapag umulan nama'y nagtatampisaw

Mahirap man o maykaya Maputi, kayumanggi

At kahit anumang uri ka pa

Sa 'yo ang mundo ‘pag bata ka 

III

Bawat nilikha sa mundo'y

Minamahal ng Panginoon

Ang bawat bata'y may pangalan

May karapatan sa ating mundo

IV

Hayaan mong bigyan na lang ng pagmamahal Katulad ng sinadya ng Maykapal…  

O kayganda ng kanta ‘di ba? Mahalagang malaman mo na bawat isa sa atin ay may karapatan na dapat nating tinatamasa. Anong nararamdaman mo ngayong alam mo na ang iyong mga karapatan? Masaya ka ba? 

Para mas maintindihan mo kung gaano kaganda ang mga karapatang ito, narito ang ilan pa sa mga karapatang ibinibigay sa iyo ng iyong pamilya. 

Gawain sa Pagkatuto Bílang 2:

​

​

Tukuyin ang karapatang tinatamasa ng bata sa bawat pangungusap. Isulaat ang titik ng tamang sagot.

Tandaan!

"Ang bawat karapatan ay may kaakibat na pananagutan"