Java GUI Unit 2

ຖ້າແຕ່ລະພາກສ່ວນບໍ່ຄົບ ຫຼື ບາງພາກສ່ວນບໍ່ເຫັນໃຫ້ເຮົາ ທຳການ ຄືນຄ່າ ພາກສ່ວນຂອງໂປຣແກຣມ NetBeans ເອີ້ນວ່າຄຳສັ່ງການຄື້ນຄ່າເລີ່ມຕົ້ນ Reset Windows

1. ໄປທີ່ Menu bar > Window

2. Reset Windows

ເປັນຂັ້ນຕອນໃນການກໍນົດຕົວກາງໃນການພັດທະນາລະບົບຂອງ Java application

1. ໄປທີ Menu bar > File

2. New Project

ໝາຍເຫດ: ເຮົາສາມາດກົດຄີລັດ Ctrl+Shift+N

3. ເລືອກເອົາ Java with Ant

4. ເລືອກ Java Application

5. ກົດ Next >

ໝາຍເຫດ: ສຳລັບ NetBeans 8.2 ລົງໄປຂັ້ນຕອນທີ່ 3 ແມ່ນເລືອກ Java ໃນກໍລະນີທີ່ເຮົາເຄີຍເລືອກໄວແລ້ວ ເຮົາສາມາດກົດ next ໄດ້ເລີຍ

6. Project Name: ຕັ້ງຊື່ໂປຣເຈັກ

7. Project Location: ບ່ອນທີ່ຈະຈັດເກັບ

8. Create Main class : ເຮົາບໍ່ເລືອກ

9. ກົດປຸ່ມ Finish

ໝາຍເຫດ: Create Main Class ແມ່ນເຮົາຈະສ້າງຂື້ນມາເອງ ເຮົາເລີຍບໍ່ເລືອກ

ເຮົາຈະເຫັນໂຄງສ້າງຂອງໂປຣເຈັກຂອງເຮົາເມື່ອເຮົາສ້າງສຳເລັດ

ໝາຍເຫດ: ໃນກໍລະນີທີ່ເຮົາບໍ່ເຫັນໂຄງສ້າງຂອງໂປເຈັກ ເຫັນພຽງ ແຕ່ຊື່ຂອງໂປຣເຈັກ ໃຫ້ເຮົາກົດ ປຸ່ມເຄື່ອງໝາຍ [ + ] ເພື່ອທຳການສະແດງໂຄງສ້າງພາຍໃນໂປຣເຈັກ ຫຼື ຖ້າເຮົາຕ້ອງການພັດເກັບໂຄງສ້າງໄວເຮົາພຽງ ກົດປຸ່ມ [ - ]

ຂັ້ນຕອນໃນການປິດໂປຣເຈັກທີ່ເຮົາບໍ່ຕ້ອງການ

1. ຄິກຂວາທີ່ໂປຣເຈັກຕ້ອງການປິດ

2. ເລືອກ Close

ໝາຍເຫດ: ເວລາເຮົາຈະປິດໂປຣເຈັກໃຫ້ເຮົາເລືອກໂປຣເຈັກທີ່ຕ້ອງການກ່ອນ ແລ້ວຈຶ່ງປະຕິບັດຕາມຂັ້ນຕອນ

1. ໄປທີ່ Menu bar > File

2. open project

ໝາຍເຫດ: ເຮົາສາມາດໃຊ້ຄີລັດ Ctrl+Shift+O

3. ເລືອກໂປຣເຈັກທີ່ຕ້ອງການເປີດ

4. ກົດປຸ່ມ Open Project

ໝາຍເຫດ: ໂປຣເຈັກທີ່ສາມາດເປີດໄດ້ແມ່ນຕ້ອງເປັນ Icon ຂອງໂປຣເຈັກສະເໝີ

ໝາຍເຫດ: ໃນກໍລະນີທີ່ເຮົາບໍ່ເຫັນໂຄງສ້າງ ດັ່ງຮູບ ໃຫ້ເຮົາ ກົດປຸມ [+] ຂອງໂປຣເຈັກ ແລະ ອີກຄັ້ງທີ່ Source package ເພື່ອເບິ່ງໂຄງສ້າງຂອງໂປຣເຈັກຂອງເຮົາ

ແມ່ນການຈັດໝວດໝູ່ໃຫ້ກັບ File system ໃນໂປຣເຈັກຂອງເຮົາ ເພື່ອງ່າຍຕໍ່ການຂຽນໂປຣແກຣມ ຫຼື ການເຮັດໃຫ້ໂຄງສ້າງຂອງໂປຣແກຣມມີລະບຽບ

1. ເລືອກ Source package > ຄິກຂວາ

2. ເລືອກ New > Java package

3. Package name: ຕັ້ງຊື່ແພກເກັດ

4. ກົດປຸ່ມ Finish

ໝາຍເຫດ: ຖ້າເຮົາຕັ້ງຊື່ແນະນຳໃຫ້ເລີ່ມຕົ້ນດ້ວຍຕົວອັກສອນພິມໃຫຍ່ສະເໝີ ຫຼື ຖ້າເຮົາເຮັດເປັນລະບົບອອນໄລທ໌ ໃຫ້ຕັ້ງຊື່ຈາກ Host name ໂດຍໃຊ້ເຄື່ອງໝາຍຈຳເມັດ

hostname.company.packageName

ຖ້າ Java package ບໍ່ມີໄຟທ໌ Icon ຈະເປັນສີເທົາ

JFrame ເປັນເຄື່ອງ​ມື​ຫຼັກ​ໃນ​ການສ້າງ​ GUI Window Form ດ້ວຍ​ JFrame ໃນ​ການສ້າງ​ Form ແບບ​ GUI ເທິງ​ Java 

1. ເລືອກ Package > ຄິກຂວາ

2. ເລືອກ New > Jframe Form

ໝາຍເຫດ: ເວລາສ້າງ Jframe ໃຫ້ເຮົາສ້າງເກັບໄວ້ທີ່ Java Package ສະເໝີ

3. Class Name: ຕັ້ງຊື່ໃຫ້ກັບ Jframe

4. ກົດປຸ່ມ Finish ຫຼື ກົດ Enter

ໝາຍເຫດ: ເວລາເຮົາຕັ້ງຊື່ໃຫ້ກັບ Jframe ໃຫ້ເຮົາຂຽນຄຳ ຫຍໍ້ວ່າ frm_ ແລ້ວຈຶ່ງຂຽນຊື່ Jframe ເພື່ອໃຫ້ງາຍຕໍ່ການຂຽນໂປຣແກຣມ ແລະ ໃຫ້ເຮົາເຂົ້າໃຈວ່ານີ້ແມ່ນ Jframe

1. ເລືອກ Jframe ທີ່ຕ້ອງການປ່ຽນຊື່

2. ກົດປຸມ F2

3. ທຳການປ່ຽນຊື່ຕາມຕ້ອງການ

4. ກົດ Enter

5. ຈະປະກົດໜ້າຕ່າງສະແດງຂື້ນມາດໃຫ້ເຮົາເລືອກເອົາ Refactor ຫຼື ກົດປູ່ມ Enter

ໝາຍເຫດ: ຖ້າເຮົາບໍ່ສາມາດກົດປຸ່ມ Refactor ໄດ້ໝາຍຄວາມວ່າ ການປ່ຽນຊື່ແມ່ນມີຂໍ້ມຜິດພາດ ຫຼື ຊື່ທີ່ເຮົາປ່ຽນອາດຈະ ຊ້ຳກັບ Jframe ອື່ນ

ເປັນຂັ້ນຕອນໃນການປິດ Jframe ອອກຈາກ Workspace ເມື່ອເຮົາບໍ່ຕ້ອງການເຮັດວຽກກັບ Jframe ນັ້ນແລ້ວ ເພື່ອເພີ່ມພື້ນທີ່ໃນການເຮັດວຽກ ຂອງ Workspace tap

1. ໄປທີ່ພາກສ່ວນ Workspace

2. ຄິກໃສ່ເຄື່ອງໝາຍ [x] ເພື່ອປິດ

ໝາຍເຫດ: ເວລາທີ່ເຮົາຈະປິດ Jframe ໃຫ້ອ່ານຊື່ຂອງ Jframe ໃຫ້ດີເພື່ອບໍ່ ຫຼົງປິດຜິດ

ເມື່ອເຮົາຕ້ອງການຈະເຮັດວຽກກັບ Jframe ເຮົາກໍ່ຕ້ອງເປີດ JFrame ຂື້ນມາໃຊ້ງານ

1. ເລືອກເອົາ Jframe ທີ່ຕ້ອງການເປີດ

2. ຄິກຂວາ > Open

ເຄັດລັບ: ເຮົາສາມາດ Double Click ທີ່ Jframe ໄດ້ເລີຍ ເພື່ອເປີດ Jframe

ເປັນຂັ້ນຕອນໃນການທົດສອບໂປຣແກຣມ ຫຼື Jframe ຂອງເຮົາວ່າເຮັດວຽກຖືກຕ້ອງຕາມການອອກແບບຂອງເຮົາ ຫຼື ບໍ່

1. ເລືອກ Jframe ທີ່ເຮົາຕ້ອງການທົດສອບ

2. ກົດປຸ່ມ Shift + F6

ໝາຍເຫດ: ສຳລັບຄອມພິວເຕີທີ່ຕັ້ງບໍ່ function ໄວ້ເຮົາເຮົາກົດປຸ່ມ FN ເຂົ້າໄປນຳ

ແມ່ນຂັ້ນຕອນທີ່ເຮົາກຳນົດວ່າເມື່ອເປີດໂປຣແກຣມຂອງເຮົາແລ້ວ ຈະໃຫ້ Jframe ໃດຖືກເປີດໃຊ້ເປັນຕົວທຳອິດ

1. ຄິກໃສ່ <default config>

2. ເລືອກເອົາ Customize

ເຄັດລັບ: ສ່ວນຫຼາຍແລ້ວ Jframe ທຳອິດທີ່ມັກກຳນົດໃຫ້ເປີດໃຊ້ງານຈະເປັນ Jframe ໃນການເຂົ້າສູ່ລະບົບ

3. ເລືອກເອົາ Browse ຂອງ Main class

4.ເລືອກເອົາຊື່ຂອງ Jframe ທີ່ຕ້ອງການ

5. ກົດປຸ່ມ Select Main Class

6. ກົດປຸ່ມ OK

ໝາຍເຫດ: ຖ້າກໍລະນີທີ່ເຮົາບໍ່ເຫັນພາກສ່ວນ Main Class ໃຫ້ເຮົາໄປເລືອກເອົາປະເພດຂອງການຕັ້ງຄ່າໃຫ້ເປັນ Run ເທົ່ານີ້ກໍ່ຈະປາກົດການຕັ້ງຄ່າກັບຄືນມາ

ເຮົາຈະເຫັນໄດ້ວ່າ NetBeans ຈຳທຳການ Run Jframe ທີ່ເຮົາກຳນົດໄວ້ຂື້ນມາ ເຮົາຈະເຫັນໄດ້ວ່າໂປຣແກຣມຂອງເຮົານັ້ນສະແດງຜົນແບບໃດເມື່ອເລີ່ມຕົ້ນເປີດໃຊ້ງານ

1. ກົດປຸ່ມ Run ທີ່ Custom bar

ເຄັດລັບ: ເຮົາສາມາດກົດປຸ່ມ F6 ເພື່ອທຳການ Run ທີ່ໄວ້ ແລະ ງ່າຍ