Laro at Ehersisyo

Matapos basahin at isagawa ang mga gawain sa aralín na ito, inaasahang maipapaliwanag mo ang uri at pinanggalingan ng mga invasion game, mailalarawan ang mga kasanayang kailangan sa paglalaro, at maisasagawa mo ang mga panuntunang pangkaligtasan upang makapaglaro nang ligtas at malayo sa sakuna.

Isa sa mga naidudulot ng paglahok sa mga pisikal na gawain tulad ng invasion game ay ang pagpapabuti nito ng physical fitness o kakayahang pangkatawan. Mahalagang matutuhan ang mga ito upang makasali sa ganitong uri ng pisikal na gawain dahil bukod sa pagiging kagiliw giliw, ang mga ito ay epektibo ring ehersisyo. 

Magkaiba ang target game sa invasion game. Ang layunin ng isang invasion game ay ang malusob ang teritoryo ng kalaban sa pamamagitan ng pagtayâ ng isang bagay. Kailangan ng bilis at liksi sa paglalaro nito. 

Mahalaga ang mga kasanayang ito dahil ginagawa rin ito sa mga isport tulad ng basketball at softball. Upang makapuntos, kailangang maging mas mabilis sa iyong kalaban. Ang mga health-related component gaya ng cardiovascular endurance at flexibility, at mga skill-related component gaya ng liksi, bilis, at lakas ay nagagamit tuwing maglalaro ng invasion games.

Habang naglalaro, siguraduhing sundin ang mga alituntuninpara makaiwas sa aksidente o sakuna. Natatandaan mo pa ba ang mga napag-aralan tungkol dito noong unang kuwarter? Ang mga sumusunod ay ilan sa mga ito.