Pangajaran ka-6

Iklan layanan masarakat nyaeta tulisan anu eusina mangrupa kalimah pangajak, nyaeta ngajak ka masarakat umum pikeun ngalakukeun hiji hal anu aya mangpaatna pikeun diri anu maca eta iklan atawa masarakat umum.

Bewara/wawaran (pengumuman) jeung iklan ngabogaan sasaruan jeung bebeda. Sasaruan tina bewara jeung iklan nyaeta bewara jeung iklan teh mangrupakeun beja anu ditepikeun ka jalma loba anu ngabogaan tujuan sangkan jalma anu dibere eta beja teh nyaho kana naon-naon anu ditepikeun.

Sedengkeun anu jadi bebeda antara bewara jeung iklan diantarana nyaeta :

1. Kalimah nu aya dina bewara bisa mangrupa kalimah wawaran,

kalimah pangajak, kalimah panitah atawa kalimah panyaram. Sedengkeun kalimah nu

aya dina iklan biasana ngan saukur kalimah pangajak wungkul.

2. Dina bewara biasana kalimahna bisa pondok atawa panjang.

Sedengkeun dina iklan mah biasana kalimahna pondok.

3. Kalimah nu aya dina bewara biasana mangrupa kalimah anu wajar

jeung formal. Sedengkeun kalimah anu aya dina iklan biasana sok ngagunakaeun

kalimah anu kaleuleuwihan (bombastis) atawa rahul (hiperbola), kalimahna bisa

formal atawa teu formal.

4. Eusi nu aya dina bewara biasana ngan mangrupa tulisan

wungkul. Sedengkeun eusi nu aya dina iklan, salian ti mangrupa tulisan, oge sok

dipapaesan ku gambar atawa ilustrasi sangkan anu nempo kataji.

5. Dina cara nempatkeunana, bewara mah biasana dipasang dina

dinding atawa dina papan pengumuman atawa mangrupa selebaran. Sedengkeun iklan

biasana ditempatkeun di tempat umum anu strategis atawa tempat umum anu negrak

anu bisa kaciri ku masarakat ti sababaraha arah, atawa bisa oge mangrupa

selebaran. 

Iklan layanan masarakat biasa dijieun ku instansi atawa organisasi anu henteu miboga tujuan pikeun neangan kauntungan finansial.

Iklan ldagang biasa dijieun ku pausahaan atawa jalma miboga tujuan pikeun neangan kauntungan finansial.