Pandiwa 

 salitang nagpapahiwatig ng kilos o galaw. Nagbabago ang anyo nito ayon sa panahon kung kailan nangyari o naganap ang kilos. Ito ang tinatawag na panahunan o aspekto ng pandiwa. Ito ay ang naganap, nagaganap at magaganap. 

1. Mga panlaping banghay sa –um

Sa aspektong naganap, isingit ang -um- sa gitna ng unang pantig. Kung nagsisimula sa patinig ang pandiwa, ilagay ang um- sa unahan

Halimbawa: lumapit, sumayaw, umawit

Sa aspektong nagaganap, ulitin ang unang pantig ng salitang-ugat at isingit ang -um- sa gitna nito. Kung nagsisimula sa patinig ang pandiwa, ilagay ang um- sa unahan.

Halimbawa: lumalapit sumasayaw umaawit

Sa aspektong magaganap, ulitin ang unang pantig ng salitang-ugat.

Halimbawa: lalapit sasayaw aawit

 Mga panlaping banghay sa ma-, mag-, mang

Sa aspektong naganap, ilagay ang na- , nag-, o nang- sa unahan ng pandiwa.

Halimbawa: naakit, naglaro, nag-ingat

Sa aspektong nagaganap, ilagay ang nag- o nang- sa unahan ng pandiwa at ulitin ang unang pantig ng salitang-ugat.

Halimbawa: nang-aakit, naglalaro, nag-iingat 

Sa aspektong magaganap, ilagay ang mag– o mang– sa unahan ng pandiwa at ulitin ang unang pantig ng salitang-ugat.

Halimbawa: maaakit maglalaro mag-iingat

 Mga panlaping banghay sa i-, -an, -han, -in, o -hin sa aspektong naganap, ilagay ang -in- sa gitna ng unang pantig. Kung nagsisimula sa patinig ang pandiwa, ilagay ang in- sa unahan.

Halimbawa: sinabi tinapon inalam

Sa aspektong nagaganap, ulitin ang unang pantig ng salitang-ugat at ilagay ang -insa gitna nito, Kung nagsisimula sa patinig ang pandiwa, ilagay ang in- sa unahan.

Halimbawa: sinasabi tinatapon inaalam

Sa aspektong magaganap, ulitin ang unang pantig ng salitang-ugat at ilagay ang i - sa simula nito. Para sa mga pandiwang banghay sa -an, -han, —in, o —hin, ilagay ang —in o —hin sa dulo.

Halimbawa: sasabihin, itatapon, aalamin

Pawatas

-ito ay binubuo ng panlaping makadiwa at ng salitang-ugat na nilalapian.

-pawatas rin ang tawag sa mga pandiwang hindi pa nababanghay sa iba't ibang aspekto.

-ang pawatas ang magiging batayang anyo ng pandiwa.

Gawain sa Pagkatuto

Tukuyin ang pandiwa sa bawat pangungusap at alamin kung ito ay naganap, nagaganap at magaganap na pandiwa bilang pagtugon sa panahunan nito. 

Gawain sa Pagkatuto Bilang

 Piliin ang angkop na pandiwa na bubuo sa pangungusap.

Takdang Aralin:

Umisip ng isang kuwentong nabasa o kuwentong napanood tungkol sa pagharap sa isang hamon o suliranin sa buhay ng isang mag-aaral. Iguhit ang iyong napanood na sumisimbolo na naging matatag sa pagharap sa buhay. Pagkatapos, sumulat ng dalawa hanggang tatlong pangungusap na nagpapaliwanag kung bakit ito ang napili mong simbolo.

Binabati kita sa iyong pagkatuto!